ماهو الحل يااهل الفحول بالتغذيه

الاخوه الاعزاء اهل العرف . والنصيحه.

ابي حل سريع وفعال لتسمين الفحل وابراز سنامه في وقت قصير..

عندي فحل مزيون حيل الله يستر عليه . لكن انه ضعيف وخاصة سنامه هو له بطن وسمين ماشاءالله عليه
لكن سنامه بالكاد تشوفه ...
نبي منكم الحل الازين.......

أشوف أن الشعير المجروش وجبه رئيسيه مع البرسيم وقليل من المكعب علشان نقص الأملاح ورودس بين فتره وفتره وبالله التوفيق

انا عندي نفس المشكلة وقال احد الشيبان الي عندي ان الحوار اذا ما فتق سنامة وهو صغير من الصعب انة يصير لة سنام مرتفع وللة اعلم

مرحبا بندر

سمين والسنام تو ما زم

فالعله مهو باكله العله بالعرق اللي دسه وتقبل مروري والسلام

مرحبا بندر

سمين والسنام تو ما زم

فالعله مهو باكله العله بالعرق اللي دسه وتقبل مروري والسلام

مشكورين على المرور ...

الغالي ياريت توضيح بخصوص العرق اللي دسه .. ابي اعرف معنى هالكلمه

وهل تنصحوني بالشعير مع الوافي ....

اخوي بندر

يعني فيه اصل يكون ذراواهن صغيره ولا تكبر ..يعني جيناتها وشكلها بالاصل بهذا الشكل

فيه من البوش لا سمنت تسمن بطنها ولا ترتفع ذراواها .. وفيه من البوش سبحان الله السمن متوزع في جسمها .. ومنها ياللي بس في ذروتها

بس انته انتظر لموسم الهدد .... وراح ترتفع ذروته بعزه الله لانه الصيف تنزلن الذراوا ..وتكبر بطون الزمول وتفتر .. وهذا شي طبيعي ...

بعد موسم الهدد ..تقدر تحدد ان كان ذروته صغيره ولا كبيره ...

وان شاء الله نكون فدناك

السلام عليكم اخوي بندر صباح الخير 1 تاكد ان الفحل ان ابوه مافيه اسرار اعر يعني الي يجي سنامه ردي خلقه من الله نصيحتي لك ان البرسيم حار والشعير حار على بطن المطية في الصيف انصحك انك تعطيه رودس من الدرجة الاولى يعني رودس الصبار او رودس المراعي حصاد السنة الحالية + شغير الحب الاصلي ليس المضغوط ولا مجروش ويكون الشعير بنسبات يوميا حتى تزود له الجرعه يوميا الا ان تنقع حوظة لين يصبح مليان يوميا ============ وانتبة انك تتخم الفحل الدعوه تبي صبر لمدة اسبوعين فقط لين تنقع له الشغير بالحوض ======================== تقبل تحيات علي الدوسري

هل هو اعر؟
تقدر تعرف من تاريخه هل طلع سنامه قبل ولا من خلقته كذا
ان كان اعر مهما تطعمه بيسمن في جسمه وبطنه بدون سنام
وان كان ماهو اعر فعليك بالشعير والمكعب+ البرسم والماء / كلها ناققعه قدامه وبسمن ان شاء الله ولو تعطيه حبوب الدود زين
وفقك الله

هلا وغلا

الاخوان كفوني بالاجابة يالغالي // مبارك بن محمد وعلى المصارير وحاتم العماري ، كلامهم يفسر العرق اللي دسه وأسال الله أن لا يضره وأن يظهر سنامه ويسر عينك به