فحل فيه احتكاك في العراقيب

السلام عليكم ورحمة الله وبركاته


مسيكم بالخير جميع


عندي بعير فيه احتكاك في العراقيب


وش علاجه

احتكاك في اسفل العرقوب من كثر الضراب ولا مهوب افجح ؟

لاهنت ياخوي على الرد وانا خابر انه من كثر الضراب

بس ماله علاج ؟

اذا البعير غالي جدا
فخل عمال ثنين مسئولين منه وقت الضراب اول مايجي يبرك يقطون تحته برنوس او شرشف يكون لين وهاذا افضل حل فيه مرهم في الصيديليه لكن مايجيب نتيجه لانها تكون حرشاء جدا وهو مايفيد في الجسم الميت هاذا الي عندي والله يبارك لك في حلا لك

طيب هو بيقدر يضرب

البرنوس سلمك الله يكون فراش تحت العراقيب ماله علاقه في الضراب قبل لاينسل البعير يقطون البرنوس تحته عشان ماتزلق عراقيبه

ياطويل العمر اسف على الازعاج

فهمت من كلامك

نحط في شبك البعير فراش ولا دوشق

علشان يبرك فيه

اخوي سعود كلام بخيت مفهوم
وقصده اذا جا البعير بيضرب حط تحت عراقيبه قدام لا يبرك شرشف ولا بطانيه ماهو بتفرش الشبك كله
واذا البعير الحين عراقيبه تدمي ولا فيها جروح اطلهااا باايل (زيت محروق) ولا علاج عند البيطري وان شاءلله مايشوف شر بعيرك والله يرزقك منه الانتاج طيب