الى يعرف العلاج لا يبخل علينا

يالربع شريت لى ناقه طيبه ولاكن عندى فيها مشكله ولا ادرى وش علاجها حبه حبوب كبيرة فى نصف رقبتها من فوق مثل حبه الخراج بس قاسيه ولا فيها صديد ولا قيح وهى قاسيه وكبيرة ولاادرى و شلون اعالجها تكفون يالربع الى يعرف طريقه او علاج لا يتردد الله يجزاه بالخير ؟

اذا جلدها قاسي كله هذا مرض الكثام وعلاجه الكي فقط
يكون جلدها قاسي الابره ما تخش فيه ويكون متنفخ وشعرتها شينه

شاكر مرورك اخى عبدالعزيز والجلد قاسى محل حبه الحبوب فقط

ليكون جرب او بكتريا

مرحبا يا اخوي ..

نفس الشي شفته في وحده من الابل عندنا ..

وسألت اخوي ..وقالي انه هذا يصيب الابل ياللي يتغير عليها الطعام

ولو حابب انك تجرب .. فيه طريقه وعسى الله ينفعك فيها .. ونكسب الثواب نحنا

خذ طال عمرك الحبه الحمرا .. ونقعها ما يقارب ساعه لساعتين في الماي .. وبعدها حطها مكان هالحبوب ...واتركها فتره فيها ولا تحركها

وخلها بروحها تطيح

جرب هالطريقه اكثر من مره .. هالحبه الحمرا تلين الجلد .. وتمتص كان شي غريب عن الجسم ..

وفي انتظار بشارتك بشفاء مطيتك

والله لا يوريكم مكروه لا في حلال ولا غالي

هذا غرب
رش عليه بخاخ ازرق ان كان مفتوح ويقولون الديزل يذبحه وتراه يعدي
تقبل تحياتي

انا انصحك ما دام كثرت الاراء والاخوان ما قصروو

انك تحط لنا صوره .. وهذا راح يسهل علينا اننا نعطيك العلاج لو هو بيدنا .. ولا راح نبخل عليك بشي ...

والله يشفي ناقتك

أرحب يالحازمي

من وجهة نظري
دامها ما تضر الناقة .. خلها ولا تحركها ..
هذه عبارة عن أنتفاخات تحت الجبد بسبب أعطاء أبرة تحت الجلد بالخطأ .. والله أعلم