ياجعل شيبانك بالجنه ادخل وعطني رايك

يا اخوان عندي حيران جاهن كحه وخشومهن تصب " اعزكم الله " والمهم جبنا ابر علاج وطقيناهن بالابر بين اليد من فوق والرقبه " او النحر " ويوم جاء من بكره لين اثنين منهن يعرجن يسحبن يديهن وخاصه واحد منهن مره يسحب يده ولاياطا عليه واذا ركض رفعها وش الحل ؟؟؟ والحمد لله طابن من مرضهن " او ماسموه النحاز " لكن زي ماقلت عيبناهن

والحين الراي وخاصه بكره طيبه تسحب يدها اللي من عند ضرب الابره

واليوم دفيت ماء وملح وكمدهن ؟؟

الراي يا اهل الرااااااااااااي

الاخ خالد مع احرامي ان اخذت براي دلخ
الابر طال عمرك ما تعطى في النحر زين بعد ما ماتت لاكن نحمد الله على السلامه والمره الثايه اسأل بخيص
الجاها هذا غريب لان النحاز ما يخلي خشومها تمشي
ونسبه للعرج عليك بماء دافي وافرك مكان الابره جعلها تسلم

احتمال أن الإبرة جت على عرق

لكن إنتظر وجهت استفسارك لطبيب مختص

وراح أوافيك برده


تقبل أرق وأطيب تحياتي ،،،


أخوك


محمد العسيري

الله يحرم وجيهكم على النار وهذا اللي يولي حلاله هالسودان

السلام عليكم ورحمة الله وبركاته

طبعا السبب في هذه الحاله هو الخطأ في اعطاء الابره

واحب ان اضيف هنا الاماكن الافضل في اعطاء الابر:-

1-اذا كانت الابره تحت الجلد فيكون الافضل لها هو الربع الثالث من الرقبه بعد ان تاخذ في يدك جزء من جلد الرقبه للخارج ثم تدفع بالابره للداخل دون ان تمس عضلات الرقبه اي تحت الجلد
2-اذا اردت اعطاء الابره بالعضل فهناك اكثر من مكان ولكن افضلهم حسب الراي والخبره هوالعضله الخارجيه للقدم الخلفيه وليس عضلة القدم الاماميه او مابين الرقبه والقدم الاماميه مثل ماصار معكم
3- اعطاء الابرة بالوريد فافضل مكان هو الوريد الودجي علي جانبي الرقبه وهو بارز وواضح

وبالعوده للحاله السابقه انصح عند اعطاء الابر معرفة ان كان الدواء تحت الجلد او في العضل
واذا حدث تورم او الام فيستحب استخدام مرهم اليود موضعيا ومضاد للالتهاب مثل امبولات الفولتارين
او الاولفن البشري مع عمل كمادات كما ذكرت

وطبعا السبب الاساسي هنا هو حدوث التهاب موضعي نتيجة خطأ اعطاء الابرة
والله المستعان وهي تحتاج الي وقت فقط وسيعود الامر لطبيعته بمشيئه الله تبارك وتعالي

تقبل أرق وأطيب تحياتي ،،،

السلام عليكم

والله مشكله هالي تعرضت لها تبي تعالج شي وطحت بشي ثاني

ربي يعينك ويشافي مطاياك

عليك بالماء الدافي والملح
ولاتخليها تطلع من الشبك امنعهم من السرحه علشان ماتوجعها كثير حاول انك تمسكها بالشبك

وانشاء الله تسلم

حرم الله وجيهكم على النار وعزا الله انكم كفيتو ووفيتو وماهي غريبه على الرجال شرواكم

لاهنت وجزاك الله خير يا محمد

ماقصروا الاخوان كفوا وفوا ولاتركو لنا شي نقوله

لكن بالنسبه للابره يمكن انها حاشت لها عصب في مكان اللي ظرتها فيه

ومع الوقت ان شاءالله انها تسلم لكن انتبه من الجايات لايدقها بالابره الا احدن عنده خبره والا تركها افضل

(((((((( عندي حيران جاهن كحه وخشومهن تصب " اعزكم الله " ))))))))

يا اخي عندي الحيران يمكن 5 حيران حاشهم عزلت عنهم البرسيم والحمد لله تشافوا

وايضا احد الربع نفس الحاله لا علاج ولا شي بس اعزل البرسيم عن الحيران وبدون علاج عشره ايام وتتشافى ولا يعدي

من واقع تجربه
وايضا قبل اسبوع الحاله عند ايضا صاحبي الثالث وتشافوا ما عالجهم هذا فايروس جديد وعادي

بارك الله فيكم

لكن يا اخوي العازمي وشلون اعزل البرسيم " طيب وش اعطيهن "

مع العلم اني ما اعطي الحلال الا برسيم فقط واحيانا قليله رودس

يا مرحبا

عطهم وافي وتبن اصفر

الى ان يتشافوا ورد البرسيم

وارجو عدم اعطاء ابر وحبوب الى في حاله اليأس

مرحبا ياخالد وهذا يسمونة نثاث وهو عادي جدا حتى لو ماعطيتها ابر بتسلم باذن الله وهو مثل الزكام يعدي ولا يضر واذا كثر وضايقها في التنفس اغسل خشومها بماء وملح .ولاتمنعها من الطعام .

السلام عليكم ورحمة الله وبركاته

طبعا السبب في هذه الحاله هو الخطأ في اعطاء الابره

واحب ان اضيف هنا الاماكن الافضل في اعطاء الابر:-

1-اذا كانت الابره تحت الجلد فيكون الافضل لها هو الربع الثالث من الرقبه بعد ان تاخذ في يدك جزء من جلد الرقبه للخارج ثم تدفع بالابره للداخل دون ان تمس عضلات الرقبه اي تحت الجلد
2-اذا اردت اعطاء الابره بالعضل فهناك اكثر من مكان ولكن افضلهم حسب الراي والخبره هوالعضله الخارجيه للقدم الخلفيه وليس عضلة القدم الاماميه او مابين الرقبه والقدم الاماميه مثل ماصار معكم
3- اعطاء الابرة بالوريد فافضل مكان هو الوريد الودجي علي جانبي الرقبه وهو بارز وواضح

وبالعوده للحاله السابقه انصح عند اعطاء الابر معرفة ان كان الدواء تحت الجلد او في العضل
واذا حدث تورم او الام فيستحب استخدام مرهم اليود موضعيا ومضاد للالتهاب مثل امبولات الفولتارين
او الاولفن البشري مع عمل كمادات كما ذكرت

وطبعا السبب الاساسي هنا هو حدوث التهاب موضعي نتيجة خطأ اعطاء الابرة
والله المستعان وهي تحتاج الي وقت فقط وسيعود الامر لطبيعته بمشيئه الله تبارك وتعالي

تقبل أرق وأطيب تحياتي ،،،

عين العقل وكلام سديد ولا يحتاج زياده ولا نقصان بيض الله وجهك ببياض نوره الكريم كفيت ووفيت

س ـ هل يسمى نثاث ولا هوار