يا أهل الخبره ,, الناقه ( تحن , تخلج ) و حالها ردي

السلام عليكم


اخواني الناقه صار لها 30 يوم تقريبا

تحن بالليل و النهار


يوم يزيد خلجها و يوم نادر ,,, و صامت عن الاكل و ضعفت الناقه حيل


قبل اربع او خمس ايام عطيتها ابرة الهيام الفرنسيه ...


وكأنها تحسنت شوي لكن ما وقفت عن الحنين .,,,,,



افيدونا


بعض ناس قالو انه غلث


وانه بعد 40 يوم تبدأ تعض نفسها و تعض من يقرب لها سواء حوارها ولا بشر

[ناصر اليامي]

ان كانك شاري الناقه من الرمله ناقة خلا ومفلا ومع اماتها من يوم خلقت
رايي والله اعلم ان ناقتك ناتع يعني مفارقه لأماتها وتحن لها
واكثر البل اللي تصاب بالشي ذا تغدي وبعضها تعود وتنسى
...............
وان كان غير ذا الكلام فالله اعلم ان قومها شي غير واضح

مع راي ناصر اليامي ان كانك شاري الناقة فاحتمال كبير يكون هذا السبب

اما بالنسبة للغلاث فاستبعد احتماله لان ليس من اعراضه الخلاج

الناقه ناتع حتى لو انت شاريها من فتره طويله

بيض الله و جيهكم و جزاكم الله خير ,,


طيب وش الدبره ان كانت ناتع

[ناصر اليامي]

بيض الله و جيهكم و جزاكم الله خير ,,


طيب وش الدبره ان كانت ناتع

ان كانت الناقة ناتع
وابلك في شبوك حطها في شبك يكون من يمينها ابل ومن يسارها ابل وان كان عندك فحل قرب شبكه من شبكها
وبحيل الله وقوته انها تطيب حالتها وتسلى بشوف البل من يمينا ويسارا
وسلامتك

جزاك الله خير يا ناصر


بجرب و ان شاء الله تزين

مثل ماقالوا الشباب الناقه ناتع ولافيها اغلث المغلوثه تهز راسها ويصير فيها رعشه وستبرك وبعضها يعض روحه واذا بركة تنهز الارض

ان كان الناقة تجي في زاوية الشبك وتخلج فتراها ناتع يم الوجهة اللي تواجد فيها اواطلع الناقة من الشبك وخل عينك عليها سواء في نهار اوليل وان سارت فهي ناتع وماراح ترتاح حتى تاصل ديرتها.

هاذي الحله صارت عندي وانا مطلع الناقه ذي معها كم ناقه من مزرعه لعمي ومن يوم طلعتها وهي تخلج ويعد فتره شان حالها وضعفت وجاها سته وستين عله من الامراض وحالها ردس جداااا واللي يخبر لي علاج لها يفزع لنا

الناقه جبت لها واحد اخذ فحص االدم وقال لي فيها هيام ونقس حديد ونقص مادري وش هو وفيهاعسر هظم وفيها دود في البطن