مساعدتكم الله لا يهينكم

السلام عليكم ورحمة الله وبركاااااتة
يا اخوان عندي ناقة متحفية في خف رجلهااا وبصراحة مسبب لها صعوبة بالمشي اضافة الي انة مشوة منظرها
شريت لها اكثر من (جوتي ) اكرمكم الله ومافية فايدة يومين وينقطع لان الارض صخرية ولا حولنا نفود اللي عندة
حل او يعرف طريقة او محل يبيع شي زين قوي للاستخدام الله لايهينة لا يبخل علينا
وجزاكم الله خير

اولا اعملها عجينة صبر وحطها على رجلها ثم لبسها عدة جوارب وهكذا ماتتقطع بسهوله وتغييرها هين

خذ وزر وحط معه صبر وحطه في القدر وخله يغلي لين يسير الوزر مع الصبر قاسي مثل الدبس وحطه على الحفا واربطه بشرابات وان شالله تطيب .. اتمنا افدتك

لا هنتوااا جزاكم الله خير

الله يجزاك خير اخوي عيد المنصوري

لاهنت على المعلومات

طريقتي
امنعها من المسراح مع البل
ادهنها بزيت زيتون على فترات وخلها ترتاح على الاقل اسبوع وبعدين شوف ان كان طابت ولا خلها مده اكثر
تقبل تحياتي

السلام عليكم مبروك عليكم الشهر الفضيل جميعا حبيت اشاركم في الموضوع حصل عندي حفاء في وحدة من النياق وجاني واحد من الربع اللة يجزة وياكم خير وصفلي النيل الازرق الي يحطونة في الغترة يوضع في قارورة موية صحة ام ريال لين يميع ويصب في خشم الناقة وجربتة وسلمت من ثاني يوم واللة يوفقنا وياكم