ترفع راسها لسماء (تقول غاصه)

بعد التحيه ..
ناقه كل يوم ينقص من وزنها الشي الكثير الحين جلد واعظم الله يرحمنا برحمتها
حاله مزري وتدمع له العين

وحالتها عجزت اوصفها لااحد

الناقه ماتكل وان كلت زوعت ورفعت راسها لسماء صارت رقبتها خيزرانه ممدوته لسمااء وتنزلها للارض وترجعها ترفعها لسماء مره ثانيه تقول غاصه بشي

بعض الزملاء قالو هدبها طويل ويلزم قصه وتفحصته ولقيته طبيعي بنسبه للابل الثانيه
هي عشراء وشلت ولدها منها

استبعد الهيام لن لبنها مانقص مع العلم مع قل اكلها
وكذالك العين ماتدمع ولايوجد تنفخات في جسم الناقه


انا سمعت عن مرض اسمه الذبحه ولا اعرف اي شي عن هالمرض
اتمنى من الاخوان البحث عن هذا المرض والافاده
جزاكم الله الف خير

الناقه غاصه ادخل هوز ماء في حلقها على ان تضع لزقه على رأس
الهوز حتى لاتجرح حلق الناقه

^
^
^

عيد الله لا يهينك ليتك توضح اكثر

لا دخل الهوز في فم الناقه وش يسوي

ينفخ فيه ؟

يفك الماء فيه ؟ وش كثر الماء ؟

ليتك توضح اكثر وانا اخوك

الناقه غاصه ادخل هوز ماء في حلقها على ان تضع لزقه على رأس
الهوز حتى لاتجرح حلق الناقه

يمرحبا ياابو احمد والشهر مبارك عليك
بس الله لايهينك توضح اكثر لن الموضوع دقيق شوي

اسلام عليكم و رحمة اللة و بركاتة
كان فية و احد من الربع عندة نفس المشكلة و شاف الناقة راعى عراقى بصدفة و قال هاذى امرها سهل
و مسك خبزة و دخلها ابلاعيم الناقة و قام يفرك بلاعيمها
و عقبها غدا شرها و هاذا طال عمرك اما اتكون غاصة او صديد ساد بلعومها

السلام عليكم

الناقه تغص من الاكل

شف طريقت الاخ عيد هو رجل اخبر منى بدون قصور في باقي الاخوان

ولكنه رجل متخصص

انا عندي ناقه نفس قصة ناقتك

ولكني لقيت لها حل ولله الحمد صرت انقع الشعير بالماء

وافتكيت من هالغصه الي تجيها

وننتظر رأي اخونا عيد

اسلام عليكم و رحمة اللة و بركاتة

كان فية و احد من الربع عندة نفس المشكلة و شاف الناقة راعى عراقى بصدفة و قال هاذى امرها سهل
و مسك خبزة و دخلها ابلاعيم الناقة و قام يفرك بلاعيمها

و عقبها غدا شرها و هاذا طال عمرك اما اتكون غاصة او صديد ساد بلعومها

مرحبا اخوي خالد واشكر مرورك المميز والمفيد
بس السوال كيف اوصل لبلعومها..؟

السلام عليكم

الناقه تغص من الاكل

شف طريقت الاخ عيد هو رجل اخبر منى بدون قصور في باقي الاخوان

ولكنه رجل متخصص

انا عندي ناقه نفس قصة ناقتك

ولكني لقيت لها حل ولله الحمد صرت انقع الشعير بالماء

وافتكيت من هالغصه الي تجيها

وننتظر رأي اخونا عيد

.
هلا اخوي عبدالمحسن واشكر مرورك
الناقه لها حول الشهرين وهي على هالحال مافيه علاج الاعطيتها ابرة هيام ابرة شامل حبوب دود الخ..
وشلت ولدها عنها الاسبوع اللي فات وحالها مثل حالها ماتغير شي
وانا متاكد فيه شي بحلقها بس كيف الووصول له او وش العلاج المناسب

كل عام والجميع بخير
محمد ان كان الناقه مشكلتها هذي تصير معها اذا كلت البرسيم اوالتبن اوالذره واذا حطيتوا اكلها خذت لها لقمتين وقامت تطرش جرتها والا رفع تراسها تمغط والا تنزله وتمغط تقول في حلقها شي يرده وجلست لحالها حتى الحشوان تدفها تقول نعجه لكن لوالشعير هجوم على طول ما يخالف تاكل ولا تكثر لكن ما يسرها وتحسها مريضه جلد على عضم معها مشكلتها بسيطه جدا
اما اما ان كان الغير ما افتيك شف علاج الشباب الي قبلي

كل عام والجميع بخير
محمد ان كان الناقه مشكلتها هذي تصير معها اذا كلت البرسيم اوالتبن اوالذره واذا حطيتوا اكلها خذت لها لقمتين وقامت تطرش جرتها والا رفع تراسها تمغط والا تنزله وتمغط تقول في حلقها شي يرده وجلست لحالها حتى الحشوان تدفها تقول نعجه لكن لوالشعير هجوم على طول ما يخالف تاكل ولا تكثر لكن ما يسرها وتحسها مريضه جلد على عضم معها مشكلتها بسيطه جدا
اما اما ان كان الغير ما افتيك شف علاج الشباب الي قبلي

يامرحبا يامحمد وكل عام وانت بخير وعافيه
مافهمت معنى كلامك كله صحيح في وصف الحاله ياليت تتكرم بااعادة صيغة الرد لاهنت وياليت لو فيه علاج عندك افادتنا جميعا

محمد ناقتك فيها دود 100% وهذا الي يخليها اذا جات تاكل ما تكمل اكلها تقول انها غاصه وخصوصا البرسيم والا فيها هدب لكن الصحيح ان فيها نوع من الديدان هو الي مسبب المشاكل هذ ومسبب لها انيمياء حاده
علاجها طال عمرك شراب الدود الصباح على الريق وخلها في شبك لا تهدها الا الظهروكثر عليها الماء وان ما قدرت تغره بالشراب حطه لها داخل عجين كرر العمليه هذي 3 ايام ورا بعض يعاد العمليه بعد 14 يوم
بالنسبه للانيماء الي عندها عطها الاميزول 10 سم في اللحم وبعد ثلاث ايام 10 سم لقتل الجميع الطفيليات الي في الدم وعطها يوميا مع الليل فيتامينات الشراب مع عجين وفيه غرشة فيتاميات ابره يوم ورا يوم 10 سم لتقوية الدم
ان شاء الله من ثالث يوم بتشوف الناقه تغيير عليك
ملاحضه
للتاكد ان عندها دود والا لا اسحب جلد الناقه من عند ضلوعها ان كان انه قاسي ويرجع مكانه على طول الناقه ما فيها دود وان كان انك لا شديته لقيته رقيق ولا رج على طول معناته الناقه فيها دود 100% جرب في وحده ثانيه ما عليها خلاف وشف الفرق

اخوي محمد ناقتك فيها ريشييه وهو مرض في البلعوم وعلاجه كوي على البلعوم من يمين ويسار مطارق بطول وتشبكها مطارق بالعرض على شكل شبكه
وشوف بعد الجما باطن الفم من فوق هل هو متورم اذا كان متورم هذا مرض الحمام اخذ مخيط وخرق الجما بالمخيط عدة فتحات حتى ينزل الدم واخذ ملح وحطه على خشبه وحك به الجما
وانشاء الله ماتشوف شر

محمد عندي نفس الحاله الي عنك بالزبط والحمد لله الحين بخير ومتعافيه طبق الوصفه الي عطيتك وان شاء الله تطيب

ناقتك ترا في حلقها عود او شوكه ودواهاا عطها مجموعة تمر ثم صب بعده كميه من الما (كثيرة)
واخذ العلم مني

اخوي محمد ناقتك فيها ريشييه وهو مرض في البلعوم وعلاجه كوي على البلعوم من يمين ويسار مطارق بطول وتشبكها مطارق بالعرض على شكل شبكه
وشوف بعد الجما باطن الفم من فوق هل هو متورم اذا كان متورم هذا مرض الحمام اخذ مخيط وخرق الجما بالمخيط عدة فتحات حتى ينزل الدم واخذ ملح وحطه على خشبه وحك به الجما
وانشاء الله ماتشوف شر

انا مع الاخ هادي العاوي