الفزعه ياوجيه الخير

بسم الله الرحمن الرحيم
السلام عليكم ورحمة الله وبركاته

عندي هالناقه ياجماعة الخير ومدري وش علتها مثل ماتشوفن بالفديو اللي برجلها ورم. وكان بسنامها تقول سوايل وبرجلها .وعطيتها ابرة جرب وانقطعت السوايل وبقى الورم اللي تشوفون مع العلم اني عاملتها بالبنسلين اسبوع كامل ومافيه تغير . فزعتكم ياوجيه الخير عساكم وشيبانكم للجنان

http://www.youtube.com/watch?v=PUGfYPxkuek

لايوجد مقطع فديو للاحاطه

تم تعديل الفديو
اخوي عبدالعزيز
وحنا تحت خدمتكم وراحت المنتدي
وتقبل تحياتي وشكري
وشكرااا

ياعبدالعزيز المقطع مهوب واضح عندي بالضبط

لكن بنشدك ابلك تسرح ولا لا

وهالناقه مبطيه عندك ولا شريه جديده

البل تسرح يامقاطي والناقه عندي من يوم هي لقحه والناقه ذلحين خلفه

ياعبدالعزيز هذا قد جاء ناقه عندي وراح
والسبب طال عمرك من كثرت الابر الي تضرب فالخويرم
لاكن لاتخاف مابها الا العافيه رشها بماء بارد

وهو بيروح من الحاله

السلام عليكم اخوي عبدالعزيز اشتر ابرة اللتهاب من البيطره اسمها (فنادين) واظربها كل يوم لمدة ثلاث ايام
ونظف رجل الناقه بالماي الدفي والملح كل يوم

الباتل

مساك الله بالخير الناقة تضلع من الورم هذا وإلا لا

وهل الناقة تسرح

رد: الفزعه ياوجيه الخير

قص زمور(منسم) الناقه اشوف انه طويل ونازل تحت (يمكن له دور!!) وعطها بنسلين
وخلها تمشي
تقبل تحياتي

رد: الفزعه ياوجيه الخير

الله لايهينكم ويبيض وجيهكم

وابشركم رجل الناقه ولله الحمد خفت وهذا من فضل رب العالمين ثم مشورتكم

رد: الفزعه ياوجيه الخير

مع حاتم العماري