ابو دبه

السلام عليكم

يالربع عندي بكره غالية وفيها ابو دبه هل لها علاج ولا خلاص مافي امل؟؟

رد: ابو دبه

هلا اخوي زايد ..

ياللي سمعته انه فيه له علاج لو كان المرض في بداياته .. ولو بحثت في هالقسم راح تلاقي موضوع يحمل علاج للمرض ...

ولو الله وكتب وحصلته راح انقله لك ..

والله يشفي ناقتك

رد: ابو دبه

واضيف لك هذي المشاركه المأخوذه من منتدى ثاني " للامانه " لو ما حصلت مشاركه الاخوان في هذا المنتدى

السلام عليكم ياشباب
هذا المرض ضرب عندي طيبة ومنتج ووصفني واحد علاج بشرط بأن يكون المرض في بدايته وهو
1- تعطيها 20 سم من الإبره الامريكية حق الجرب تحت الجد كل عشرة أيام على الأقل.
2-تعطيها 15 حبة دود من النوع الممتاز كل عشرة أيام على الأقل .
3-ويستحن حلولك لها بعد الحبوب بيوم أو يومين عل الأقل.
4- تكويها مثل كي الفتوق بمطرقين على عرق اللبن من اليمين واليسار .
وإستمريت في علاجها بإنتظام خطوه بخطوه والحمد لله طابت ولقحت عندي أربع مرات وهي الحين مدني
مع هذا أكد بأنه لازم يكون المرض في بدايتة ويجب بأن تباشره بالعلاج والعافية عند الله

وشــــــــــكرًا للجمـــــــــــــــــــــــــــــع

واسأل الله الذي لا الاه الا هو وانا صائم بان يقر عينك بناقتك سالمه وغانمه وجعلها تنتج لك الخير ان شاء الله

رد: ابو دبه

بيض الله وجهك يابو محمد وجعل من جابوك فالجنة وانا انشالله بجرب هالعلاج وابشركم باللي يصير