يا هل الخبره في حيال البل

يالربع عندي ناقه قد لها ثلاث سنتين وحن نضربها بالبعير وتلقح وتكسر وجاا واحد وفتشها ويقول عين حدا قرنها ملتويه وعدلها قدر المستطاع . يقول ما قدر اسيطر عليها لان الناقه شاحم

الناقه السنه هذي ما عطيناها الا الرودس وزاد شحمها بشكل غير طبيعي اكثر من شحمها الاول .. ويش الحل يالربع

رد: يا هل الخبره في حيال البل

الحل تجيب ضيار وعساها تركب عليه عشان ينقص شحمها

هذا إللي أشوفه وهذا رايي والتوفيق بيد الله

رد: يا هل الخبره في حيال البل

السلام عليكم ورحمة الله وبركاته...كلام عالى صحيح ضيرها ولاعاد تعطيها إلا تبن ولمعلوميتك.. الرودس شحم وخصوصاً للمطيه اللي ماتسرح

رد: يا هل الخبره في حيال البل

الله لا يهينكم الناقه مضيرها العام ولا البنت لبن فيه خير . ولا نزل شحمها

رد: يا هل الخبره في حيال البل

خذ مني الكلام وانا خوك

سويت هالمسأله في اربع من الابل عندي .. وفي اقل من شهرين صارن لك عظم على جلد .. لانهن ما لقحن سنتين وثلاث من السمن ياللي فيهن

حطيتهن في شبك بعيد عن باقي الابل .. وقمت اعطيهن الله يعزك بس تبن .. وقميه قليله جدا جدا .. يعني بحدود كيلوو او كيلوو ونص للوجبه الوحده لكل ناقه .. وفي اليوم الواحد وجبتين .. وحده الصبح ووحده العصر .. لا اكثر ولا اقل .. وفي الاسبوع لقمه تمر بس على شان ما يقل عندها شي من المواد الضروريه لصحتها مثل الحديد والفيتامينات .. وبين الاسبوعين اعطيهن حبه الا حبتين نحاس في لقمه التمر

والصلاه على الرسول .. هالنظام نقص وزنهن وخصوصا راعيه البرسيم .. من تنقطع عنه على طول تنشفط

بس اهم شي لا تخليهن تقطعن الماي .. خله متوفر لها ما دام الصيف باقي .. وفي الشتاء ما جربت كميه الماء لان هالنظام جربته في الصيف وبس لهذي السنه والحمد لله نقص وزنهن وبدينا نستعد للمراح بان اعطيهن كميه وافره من الاكل على شان اليسره