يا أخوان الفحل مدري وشفيه فزعكتم للاهمية

السلام عليكم

صبحكم/مسيكم بالخير جميعا

اخواني فحل الأبل مدري وش فيه يضرس ويزبد بس مايشتر واذا جا بيضرب يفشح فوق الناقه ويقوم منها ماهو يمها

ويوجد في لحية من داخل هدب على ما اظن مثل ماهو موضح بالصوره والبعير ضامر
بس ماله نفس بالضراب

احد يفزع لنا وش الحل يالربع ضروري جدا لاهنتم

رد: يا أخوان الفحل مدري وشفيه فزعكتم للاهمية

عليكم السلام
امكن البعير عوقة في لهاته يقط او (يقص) منها
اذا كان البعير يرفع راسة ويزبد ولا يبغي العلف احتمال انه منها وعلاجة ان تقطعها بسرع وقت وهذا
والعلم عند الله ونستفيد من الربع
سعيد حمدالمري

رد: يا أخوان الفحل مدري وشفيه فزعكتم للاهمية

وعليكم السلام

البعير ياكل العلف ويرفع راسه ويزبد بس مايشتر

ولا يضرب ولا يبي الضراب

رد: يا أخوان الفحل مدري وشفيه فزعكتم للاهمية

ان كان البعير ممشاه زين ومبركه ومقامه مافيها شي
اذا ماخاب ظني ان اللي فيه نفس او بالاصح عين
البدو يقولون له منفوس او منفوسه وله علاج مع الايام يتحسن بس انت تاكذ منه
او انه ماهاج وانتم معسرين على الضراب
او انه مرض ثاني الله اعلم

رد: يا أخوان الفحل مدري وشفيه فزعكتم للاهمية

مشكور اخوي على التوضيح

بس الجروح موضحه بالصورة

رد: يا أخوان الفحل مدري وشفيه فزعكتم للاهمية

يمكن البعير ما كل شيء (مكثر في النخاله أو الشعير أو البرسيم او ماكل رز او أي شيء آخر)
الله لا يوريك مكروه

رد: يا أخوان الفحل مدري وشفيه فزعكتم للاهمية

أخوي بعيرك والله أعلم بلاه الهدب والهدب هذا يجي في الأبل ويسد نفسها عن الأكل عشانه يطعنها مثل الشوك و علاجه مثل علاج الحمام الي يجي في اللثه من فوق تقطع روس الهدب عقب تفركه بملح خشن
والله يشفيه

رد: يا أخوان الفحل مدري وشفيه فزعكتم للاهمية

عطه أبرة هيام (( سيميلر سان )) الفرنسية
وبإذن الله ما عليه شر

رد: يا أخوان الفحل مدري وشفيه فزعكتم للاهمية

لاهنتم ياخوان وماقصرتو

اخذنا ابرتين وحده للحراره والثانية مضاد والحمدلله خلال 6 ساعات رجع البعير يشتر وياكل وهو بخير

بس المشكله اللي باقي هي انه ماله نفس في الضراب ابد يوقف فوق الناقه ويتركها وهي ميسر

والله مدري وش مشكلته بعد

رد: يا أخوان الفحل مدري وشفيه فزعكتم للاهمية

الاخ محمد ..


اذا انت جربت علاج وتحسنت حالته استمر على العلاج يومين زياده لكن انصحك تكشف على قضيب الفحل عندك واتاكد ان مافيه شي

وغير كذا تكشف على الناقه اذا فيه صديد او التهاب بعنق الرحم لانه بهالحاله مايضربها الفحل .


وفيه علاج ينفع للتنشيط الجنسي للفحول استخدمه وان شاء الله يفيدك اسم العلاج ( vitamin E + Selenium )


يعطى بعضلة الفخذ يومين .



اتمنى افدتك آخوك د / طلال الخالدي

رد: يا أخوان الفحل مدري وشفيه فزعكتم للاهمية

لاهنت اخوي طلال ولاقصرت وتسلم

بس السؤال اللي يطرح نفسه انه يضرب اماته بس فيه ناس تضرب يجي فوق ابلهم ويقوم منها