النويخس وش علاجه يارياجيل

السلام عليكم ..


مساء الخير للجميع


يالربع عندنا ناقه ذابحها النويخس ولنا فتره طويله نعالجها ولا فاد فيها العلاج .. طبعا العلاج من البيطري حبوب وابر


والنويخس فيها عميق وفالجهتين من يمين ومن يسار ..

, ,

رد: النويخس وش علاجه يارياجيل

خله لين ينفتح ونظفه كالتالي:
اعصر الجرح لين يطلع اغلب الصديد
املى البرواز بجاره نسبة 15% بدون ابره واغسل مكان الصديد
املى المكان بعويدي مطحون
اكمل بملح
انا جربتها في ناقه شاريها وراعيها الاول كاويها وراجع لها الخراج والحمد لله سلمت
تقبلوا تحياتي

رد: النويخس وش علاجه يارياجيل

نفس الكلام اللي تقوله سويته

بس مافاد فيها وانا اخوووك


شاكر لك مرورك


كل الوود

رد: النويخس وش علاجه يارياجيل

نظف الجرح وغسله زين ثم اخلط لك مره مع صبر وكركم وخوا جوا واحشها داخل الجرح وككر كل يومين والا ثلاث ايام وخذ لك غرشة ماء كبيره ابو ريالين وعب ربعها مره مطحونه ثم املاها ماء وسكرها وخل قي غطاء الدبه فتحه صغيره وكل ما مريت من عند الناقه رج الغرشه ورش على الجرح من برا وان شاء الله تطيب وان ما لقيت خذ لك البخاخ الي عند الصيدليه الي اذا فشيته طلع منه بخاخ فضي ورشه على الجرح من برا

رد: النويخس وش علاجه يارياجيل



الاخ ناصر العلاج سهل لكن له طريقة خاصه .


لكن تمنيت لو كان فيه صورة للمرض عشان اتأكد منه لاني بصراحه ماعرفت وش معنى النويخس لكن من ردود الاخوان فهمت انه خراج او طالوع

واتمنى انه مايكون ناسور وفيه فرق بين الاثنين .


والعلاج اذا هو خراج ( نويخس ) كالاتي :

اول شي اذا الخراج فيه صديد وملمسه لين تفتح له فتحه من أسفل مكان عشان يساعد على التصريف الكامل للصديد والفتحه تكون 1 سم

يكفي بعد كذا تعصر الخراج حتى ينزل كل الصديد وبعدها تغسل الخراج بمطهر يود او ديتول مع ماء اكثر من مره حتى ينظف الخراج

بعدين تجيب شاش ابيض وتنقعه بالديتول حتى يتشرب بعدين تدخله بالخراج وتخلي طرف الشاشه طالع من فتحة الخراج

عشان بعد ثلاث ايام تسحب الشاش .

وتعصر مرهم بنسلين داخل الجرح كل يوم 1 او 2 على حسب كبر الخراج وتبخ عليه بخاخ جروح ازرق باليوم مرتين .


وان شاء الله ماتشوف شر .. اخوك د / طلال الخالدي

رد: النويخس وش علاجه يارياجيل

كلام اخوي طلال الخالدي صحيح

هذا ما قال لي البيطري بخصوص الخراج

بس اليود تلقاه عند الصيايات البشرية واليست البيطرية

ملاحضة اليود لازم يكون مائي ماهو كحولي