هل الناقة المقروصه لها علاج ؟؟

السلام عليكم ورحمة الله وبركاته :
اسعد الله صباحكم بكل خير

أنا عندي ناقة قرصت قبل أيام وماتت خذت يومين وهي بشرها لين ماتت ولاخليت ولابيطري الا جيته وسئلته عن علاج القرص وقالوا مافيه علاج خاص بالقرص ابداً ؟؟

اللي عنده معلومه عن علاج الناقة المقروصه لايبخل علينا ؟

والله يعوضنا بأطيب منها .

رد: هل الناقة المقروصه لها علاج ؟؟

الله يعوض عليك بابرك منها ...

البنسلين ولها علاج ثاني ضد التسميم قد اخذته بس ناسي اسمه ..

رد: هل الناقة المقروصه لها علاج ؟؟

الاخ مطلق علاج القرص موجود وهو كالاتي :


( أبرة أتروبين سولفيت + مغذي محاليل وريدية )


هذي تعطي نتايج كبيره خاصتا بالحالات الي تعالج بسرعه


وانا انصح كل مربي انه تكون عنده صيدلية للحالات المستعجله




ماتشوف شر والله يعوض عليك أخوك د / طلال الخالدي

رد: هل الناقة المقروصه لها علاج ؟؟

َِالله يعو ض عليك وعلى كل مسلم
انا مره عندي ناقه انقرصت وورمت رجلها وجلست اسبوع وراحت ولله الحمد

رد: هل الناقة المقروصه لها علاج ؟؟

الاخوان عبدالعزيز التميمي
طلال الخالدي
محمد بن تركي
بيض الله وجيهكم على ردودكم الجميله
ولاهنتوا

رد: هل الناقة المقروصه لها علاج ؟؟

الله يخلف عليك ويعوضك باطيب منها ان شاء الله

الاولين كانو يعالجون الناقه المقروصه بشجرة الرمرام
والطريقه تبذح مكان القرصه وتفركها بشجرة الرمرام وتغلي منها واذا برد
تصب على مكان القرصه وتشرب الناقه منه ويعافيها الله

رد: هل الناقة المقروصه لها علاج ؟؟

أولاً : الله يخلف عليك
ثانيا ً : عندي لقحه قبل ثلاث سنوات قرصت وهي لقحه ،،، قام الراعي السوداني وعطاها ( عصر لها ليمون أصفر مع سكر وطبخها في قدر ) ثم شرّبها وطابت وولدت بكره ولقحت مره ثانية وألحين معها بكره وكسوب أبشرك الآن للمره الثالثه وعسى الله يبارك .

رد: هل الناقة المقروصه لها علاج ؟؟

مبارك بن عبدالعزيز
سلمان الدوسري

مشكورين ولاهنتوا بيض الله وجيهكم

رد: هل الناقة المقروصه لها علاج ؟؟

الله يعوض عليك باطيب منها وعلاج القرص هو البترول

صبه على يدها المقروصه وبعد 3 ايام تشفى ان شاء الله

هذي حصلت عندي وجربت البترول وسلمت