امرحت سليمه .. أصبحت ديسها وارم ؟؟

السلام عليكم ...
عندي خلفه سالمه من امراض وهي مشبوكه وكل يوم تطلع مع البل العصر وتمشي ...

أمرحت ديد الناقه سليم ونظيف ما به شئ ...

أصبحت بها الحاله ... الي سويته نص كيس ثلج وشملت في ديدها من العصر الين غابت الشمس ... وارفع الثلج !! يا الربع حرام ان ديدها ضوء ( حااار ) ؟؟؟

والغريب ان حوارها يرضع من الوارم وما فيه شئ حلبت منه لاريح ولا طعم سليم ...

وش رايكم يا جماعه وهذي الصوره

رد: امرحت سليمه .. أصبحت ديسها وارم ؟؟

اخوي عبدالعزيز ناقتك ان شالله مابها غير العافيه
.
الملح مايوضع كذا لوحده وانا اخوك
.
اخذ ماء بارد وذوب فيه الملح ولاتكثره مره في الملح
ورشه على ديسها لايقل عن ثلاث مرات في اليوم
وبمشيئة الله من البكره وهي مافيها غير العافيه
.
واذا كان في ديد الناقه قراد انتبه تشيله تراه سبب للوريم وكذلك اذا جاء الشخص يحلب لازم يغسل يده
لان الديس حساس
.
اتمنى اني افدتك والله يشفي ناقتك

رد: امرحت سليمه .. أصبحت ديسها وارم ؟؟

يا جماعه سبحان الله كني مصور ناقتي

بس ناقتي اعسرت وقطعوا ولدها في بطنها .. وتمت سنتين لثلاث سنين ما تنوخت ..

والحمد لله تنوخت والحين مدني .. بس ضرعها ما يطمني يشبه ناقت اخوي عبدالعزيز

والحين ملاقي .. وش الحل يا جماعه .. صاير كنه الله يكرمكم ضرعها مثل الحصاه ..

يقولون الشواب من يرضعها ولدها ان شاء الله راح يروح كل هذا بس بصراحه مش مرتاح بالمره لانه محالبها راحن ولا يلحقهن الحاشي .. وش الحل .. وشو الشور يا اخواني !؟؟

رد: امرحت سليمه .. أصبحت ديسها وارم ؟؟

اخوي عبدالعزيز ناقتك ان شالله مابها غير العافيه

.
الملح مايوضع كذا لوحده وانا اخوك
.
اخذ ماء بارد وذوب فيه الملح ولاتكثره مره في الملح
ورشه على ديسها لايقل عن ثلاث مرات في اليوم
وبمشيئة الله من البكره وهي مافيها غير العافيه
.
واذا كان في ديد الناقه قراد انتبه تشيله تراه سبب للوريم وكذلك اذا جاء الشخص يحلب لازم يغسل يده
لان الديس حساس
.

اتمنى اني افدتك والله يشفي ناقتك

بيض الله وجهك وما قصرت ...

بالنسبة للقراد عز الله أنا الي شايله بيدي

الحين الديد وعرفنا دواه وماقصرت ..

وش السواة مع القراد الي في ديد الناقه ؟؟؟

رد: امرحت سليمه .. أصبحت ديسها وارم ؟؟

ووجهك ابيض اخوي
.
البعض يستخدم الجاره المخففه ويمسح القراد ( لكن ماانصحك بها على الديس ) وممكن يفيدونك الاخوان
.
انا جربت الماء البارد والملح ووضعتها في بخاخ واركز الرش على القراد ويسقط من حاله جرب الطريقة

رد: امرحت سليمه .. أصبحت ديسها وارم ؟؟

ناقتك مافيها الا العافيه ان شاء الله
هذا خباش بسيط ويروح بالماء البارد واذا زاد استخدم المرهم الاسود او الاحمر من الصيدليه وخلها تمشي
اما بخصوص القراد فرشها بماء عليه شوي جاره ولا يضرها
وانتبه لا تنزع القراد من ديد الناقه بيدك ابدا خله يموت مكانه بالرش
اما ناقة اخوي مبارك المدني فهذا طبيعي بس خلها تمشي يروح باذن الله
تقبلوا تحياتي

رد: امرحت سليمه .. أصبحت ديسها وارم ؟؟

كفيتو ووفيتو والله لايهينكم ...

رد: امرحت سليمه .. أصبحت ديسها وارم ؟؟

انا مع الأخ حسين المطيري ..

رد: امرحت سليمه .. أصبحت ديسها وارم ؟؟

مسيت بالخير يالبناخي

طال عمرك اغسل الضرع بماء بارد وخلها تسير ترا كثر المسير زين
ولو بتحط مرة في الماء بيكون احسن
والافضل انك ماتشرب من لبنها ترا يقولون ان لبن الوارم مهوب زين

وجعل ماتشوف شر

رد: امرحت سليمه .. أصبحت ديسها وارم ؟؟

كفيتو و وفيتو والله لايهينكم

رد: امرحت سليمه .. أصبحت ديسها وارم ؟؟

السلام عليكم ورحمة الله وبركاتة
انشاء الله ناقتك مابها الا العافية
يمكن انها باركة على وانتم بكرامة( نجاسة)

بس عليك بالماء الدافي والملح