العبور

السلام عليكم ورحمه الله

اخواني .. وشو علاج العبور ..

طبعا العبور اقصد فيها الناقه لي مان تنخطم ولا يقرب عليها البعير تشول .. والمصيبه انها من ثلاث الى خمس سنوات ما لقحت .. نفظفناها .. ورتبناها .. وسبحان الله ننوخها وطول الوقت تشول

ما يردنا من الصواب ان كانت لقحه او لا الا من البعير نفسه .. ننوخها له ولا تبيه .. ويمرحها البعير ونعرف انها ما لقحت .. ما بقي لنا غير علاج الدكتور لاننا جبنا لها ناس وشافوها وقالوا انه الرحم " كرمكم الله " ما فيه شي .. والمسأله قسمه ونصيب ..


وبارك الله فيكم

رد: العبور

مراحب يامبارك الناقه مافيها الا الخوف من البعير وإذا انت منظفها عليك بأبرة اليسره

رد: العبور

كنت متوقع بهالشي .. بس لي متى هالخوف .. حتى من خوفها ما تيسر رغم انها يابت نبط واحد بسسسسسسسسسسس وبعدها اربع سنين ما انتجت شي ..

رد: العبور

اذا الناقه تشول على طول ومهيب لقحه

ترا مالدها فيه جرب دور لك رجال بصير

ويشوف علتها

رد: العبور

مرحبا وسهلا يا سعيد

والله يا اخوي ما ادري وش من جرب فيها .. دخل عليها رجال سوداني .. وقال ما فيها غير انه قرنتها مصكره .. وفتحها بالنفخ ..

ولين يومك وهيه تشول ..

والله كريم ..منوخينها من كمن يوم .. والله يكتب باللي فيه الخير