اللي يعرف يتطبب لا يخلينا

[align=center]صبحكم الله بالخير يالربع
انا عندي ناقة مزيووووووونة
ماشاللة تبارك اللة وسنها سديس او اكبر بشوي وسبحان اللة من يوم اللة خلقها ماقد استالدت ( يعني بكره للحين )

وضربتهاا الشهر هذا ثلاث

مرات سبحان اللة ماتشيل من الفحل (ماتلقح) كل ماحديتها علية وهي حايل والناقة حايل حول وقطعت الصيد وحطيت

تمره في رحمها ولا صار شي سبحان اللة وجبتلي بيطري ثاني غير الاول ودس عليها ويقول واللة واعلم ان رحمها فيه

جرب قديم وسطح (ياتي الرحم من الونشات والهجيج)وكواها من بطنها بشكل مربع ومن ثم يمين ويسار الذيل ويمين

ويسار الفخذين وحط في بطنها ملح فقط وشرط حاجة عند حياها سماها العجمة تجي الابل الي طولت ولا لقحت وشرط

تحت لسانها وحط ملح يعني الرجال بذل الاسباب والعلم عند اللة سبحانة وتعالى املي بالله كبير لكن سؤاااااااالي هل في الطب الشعبي هالناقه في امل تلقح ولا لا عاقر للأبد

؟وهل في الطب الشعبي كوي للنياق من هالاماكن مع العلم انة لم يكويها من عند حياها ابدااااااا ؟ افيدونااااااااا ياربع[/align]

بصراحه انت ماخليت حاجه ماسويتها..

اكشف على لسان الناقه اذا كان على سطحه نتوءات بيضاء طالعه امسحها بموس حاد لين يتساوى سطح اللسان ويطلع الدم..

وان شاء الله الاخوان يفيدونك اكثر..

دمت بوووووود..

اللي اعرفه ياخ فارس ان اللي مابعد ولدت مايدس عليها
واللي تحد على البعير ويضربها غصب وهي ماهي ميسر يعني تعسر عليها خطر انها تحيل

واذا هي سمينه واجد فهذا سبب من اسباب عدم اللقاح


انا اشور عليك اذا هي سمينه انك تحاول تمنعها من العلف الزائد
ولاتضربها بالقوه خلها حتى تروح بنفسها وتعرض نفسها على البعير واذا يسرت الناقه وبركت بنفسها للبعير لقحت باذن الله

[align=center]الاخ/ فارس

هل الناقة تيسر والا لا؟ لان لكل حالة وصفة بيطرية وانا ضد التطبب الشعبي والعبث في الارحام بدون مطهرات وبدون خبرة[/align]

السلام عليكم ورحمة الله وبركاته:
كل عام وانتم بخير..انا قبل فتره حطيت سؤال عن ناقه عندي ماتلقح وكتبتلي الله يجزاك خير في الرد حقك هل الناقه تيسر ولا لا ؟؟؟؟؟؟؟؟؟

انا جبتلي طبيبين شعبيين ودمروا علي الناقه يابن الحلال الناقه قيمتها فوق الميه الف ولعبوا فيها لين محقوها والله ان الشعبيين مايدرون وين هي سارحه يدربون روسهم ويتعبثون في حلال المسلمين ولا يعرفون شي وكل واحد يتفلسف مسوي فاهم وجبتلي دكتور فاهم بيطري درجه اولى ماعليه كلام ودخل على الناقه وعلمها كالتالي:::::::

رحمها مجروح وملتحم على بعض وضايق رحمها شوي هذي مهب مشكله لكن تدري وش المشكله يقول روؤس الشعاري الي في الحيا قاصها واحد غشيم يتدرب على ناقتك والامل فيها ضعيف جدا في القاح الله لايوفقه الي حرمها لقاحها عشان خمسميةريال ؟؟؟؟؟؟؟؟؟ والله اني مغبون دافع فيها دم قلبي الله يعوضني يارب ؟؟؟؟؟؟

وبالنسبه للناقه نعم ميسر وكل ماتدخل على البعير تبرك لكن هذا العلم ؟؟؟؟؟؟ افدني ان كان عندك معلومات في مثل هالحالات

والدكتور يقولي الشعره الي في الحيا حساسه يعني الي تقص خلاص ماتلقح الناقه في الغالب