الضرايب مايسرت!!

السلام عليكم ورحمة الله وبركاتة
صباح الخير.... كيف حالكم
يالربع أنا عندي ناقتين أبي أضربهم من فحل حولي وسقت الفحل يمهن 3 ايام ولايسرن ونصحوني بأبرة اليسرة وقلت أبي أجربها في وحدة من الابل وعطيتها الابرة
يوم الخميس ولها يومين الحين ولا يسرت وأبغي أضربهن مادام الفحل عندي ولاأدري متى مفعول الابرةيبدى لأني أول مرة أجربها
وياليت اللي عنده علم يعلمني !

رد: الضرايب مايسرت!!

على رابع يوم والا خامس يوم تيبن ما هي سوى على الجرعه الي معطيها وعلى نوع الدواء وعلى الناقه نفسها ما تستوي خلها حول الفحل

رد: الضرايب مايسرت!!

الشبعه الشبعه
اذا اضربتها الابره اطغها بالعلف

رد: الضرايب مايسرت!!

مرحبا أخوي نواف

بالعادة من رابع يوم تبدأ مفعولها الإبرة لكن المهم أن تكون الجرعة كافية وكاملة ، ثاني شيء عليك بالبرسيم الأخضر شبعها منه تراه يساعد على اليسره .
وعسى الله يرزقنا وأياك الإنتاج اللي ينومسنا .

ولكم خالص تقديري ...

[ناصر اليامي]

رد: الضرايب مايسرت!!

اكرمها يا نواف وكثر لها الشوار

رد: الضرايب مايسرت!!

نصيييييييييييييييييييييييييييحه

اذا مرحت ناقتك اقطع عنها البرسيم .. لانه يكسر بالناقه

عندي ناقه سنتين ما لقحت .. ومن لقحت العامل تم يعطيها برسيم مع امهاتها وانا ما ادري عنه .. ولا بالصدفه اشوفها تضرب الشبك من السيره تبي البعير

عرفت انها اكسرت .. انا ما حسيت من الله تلقح مرحتها والرزق بيد رب العباد

والله يفرحك فيهن عشار ومداني وولدات بخير وسهاله

رد: الضرايب مايسرت!!

الله لايهينكم على المرور
والضرايب عطيته ابرة اليسرة وبعد 3 أيام يسرن وأضربها البعير ونسأل الله أن يمنحنا من خيرة

رد: الضرايب مايسرت!!

بيجها المطر وبيضرب ظهورها وبتياسر وبتطايح تحت البعير واترك ابرة اليسره مالها داعي

رد: الضرايب مايسرت!!

اللهم امين
يالله ان تجيب الحيا وتغيث المسلمين
وأشكرك أخوي ابو محمد على المرور