البعير يديه ياله يشيلها

البعير مشيته مهيب طبيعية يديه يفوشح بها تقل شي في نحره مضايقه في المشي وياله يشيلها وهذا ماصار له الا عقب الشدة مع العلم انه تعب وانقطع عن الابل وجبنا الدنا وشلناه. له اسبوع من وصلنا ما فيه الا العافية ويضرب لكن ممشاه مهوب مضبوط. هل يحتاج بس للراحة والا له طب؟

رد: البعير يديه ياله يشيلها

الله اعلم
ولكن اعتقد بعيرك متهدد واقترح عليك تحطه في شبك وتخليه طلق لا رباط ولا قيد وتاخذ له مسحوق من الصيدليه فيه فيتامينات واعتقد نحاس (قول للصيدلي حق المشع)
وان كان البعير سمين اسقه على العلاج بمقدار سطل واحد يوميا فقط ولا ترويه
واطعمه برسيم فقط
ولاتفكه لا للضراب ولا غيره لين تشوفه تعافى
فحل ابلي طرد له حاشي وتعور قريب من وصفك حتى انه ماعاد يقدر يضرب من نحره او يده وسويت كذا وابشرك بعد ايام لقيته يلعب بالشبك ومافيه الا العافيه بحمد الله وفضله ومنته
وحنا نتبادل الخبره في هالمنتدى المبارك
تقبل تحياتي

رد: البعير يديه ياله يشيلها

بيض الله وجهك يا حاتم وابشرك البعير حاله من زين لازين اللهم لك الحمد والشكر...وبالفعل كما ذكرت البعير متهدد وخذت له عصار ابيض كتبته صفرا مدري وش اسمه ولا استخدمناه لاني شفته يتعافى من يوم وصلنا ...

مشكور والله يجعلها في موازين اعمالك،،