ياهل الابل الناقه تلقح ثم تكسر , وش الحل,,,

السلام عليكم ورحمة الله وبركاته

عندي يالربع ناقه لقحة في الصيف ثم كسرت واضربتها قبل شهر وعرضتها على الفحل بعد سبوعين
وشالت ووزرت واظن انها لقحه وبعد اسبوع عرضتها عليه مره ثانيه ليوم تربعت تحته
وش الحل يالربع علما ان الفحول الي مضربتها طيبه وتعبت الين وصلتها
علما ان الناقه شاحم وبدينه وفيها خراج عند منبت ذنبها
هل للعلف دور علما اني اخر اسبوع معلفها على ذره
ولا اقطع من وذمها الله يكرمكم والا ادقها بابره اليسره والا فيه علاج يثبت اللقاح
عطوني حل يالربع من تجاربكم وهذا ماتعودنا عليه منكم ومن هذا المنتدى المميز

رد: ياهل الابل الناقه تلقح ثم تكسر , وش الحل,,,

شوف عيادة مزاين البيطرية وتلقي الحل ان شاء الله

رد: ياهل الابل الناقه تلقح ثم تكسر , وش الحل,,,

الناقه تبي لها تنظيف بمحلول وحبوب توضع في رحمها ..هذا بعد ما تيسر بدون ابرة اليسره لان الاكثار منها قد يسبب ارتخاء في عضلات الرحم لكن عليك بالتنظيف والتقطيع منها اذا يسرت وبعد ثالث يوم اضربها بالبعير وعطها ابرة استرومسيت بعد الضراب مباشره وان شاء الله يتم لقاحها

رد: ياهل الابل الناقه تلقح ثم تكسر , وش الحل,,,

الناقه تبي لها تنظيف بمحلول وحبوب توضع في رحمها ..هذا بعد ما تيسر بدون ابرة اليسره لان الاكثار منها قد يسبب ارتخاء في عضلات الرحم لكن عليك بالتنظيف والتقطيع منها اذا يسرت وبعد ثالث يوم اضربها بالبعير وعطها ابرة استرومسيت بعد الضراب مباشره وان شاء الله يتم لقاحها

مشكورين ولاهنتويافيصل وياحاصل

حاصل لاهنت الناقه ذا الحين ميسر ولكن وش نوع المحلول والحبوب

والاسترومسيت بعد الضراب في لحضتها ولا بعد ساعه او ساعتين

وبيض الله وجهك على الرد

رد: ياهل الابل الناقه تلقح ثم تكسر , وش الحل,,,

اتوقع بلا ناقتك هو الصيد

جبلك واحد خبير في تقطيع الصيد ولا انت قطعه إذا كانك تعرف .

والله اعلم انه الصيد

رد: ياهل الابل الناقه تلقح ثم تكسر , وش الحل,,,

وعليكم السلام ورحمة الله وبركاته

أخوي سفر .. هذا رابط قد تستفيد منه
وإن شاء الله تعشر ناقتك وتتم عشارها وتشوف أنتاجها

http://www.mzayan.com/vb/showthread.php?t=12503

رد: ياهل الابل الناقه تلقح ثم تكسر , وش الحل,,,

ياخوي سفر اذا الناقه تلقح وتكسر بعد اسبوع ترا فيها حميراء

دور رجال بصير واقطع الحميراء وتلقح باذن الله

رد: ياهل الابل الناقه تلقح ثم تكسر , وش الحل,,,

السلام عليكم ورحمة الله وبركاته

اخوي سفر الدوسري

في الصيدليات البيطريه محلول غسول و حبوب لمعالجة التهابات الرحم اشترها واغسل ناقتك وحط الحبوب فيها ( طبعاً الحبوب انواع وانا اخذ النوع المركز وحبتين تكون كافيه من المركز )

بعد غسيلها اعطائها فرصه لين تيسر الناقه وحتى لو يسرت افضل يكون بعد اسبوع اقل شي من غسيل الناقه

التقطيع عنها اذا فيها صيد ولا حميرا بعد الضراب مباشره يكون افضل من وجهة نظري

توجد ابر في الصيدليات البيطريه للتثبيت تعطى بعد الضراب مباشرة ( ماسبق وان استعملتها ولكن قالي عنها الدكتور )

عمل ندوة للناقه وانا افضلها بعد الضراب بيومين

كل هذي الامور بتنفع معك واذا ماتعرف جبلك بيطري او بدوي بخيص

والله يكتب لها العشار

رد: ياهل الابل الناقه تلقح ثم تكسر , وش الحل,,,

زيادة علي كلام الاخوان
تاكد لا يكون في الناقة ذيخ وهو يوجد في السان من تحت ولونه اسود هذا ايضن يمنع القاح

رد: ياهل الابل الناقه تلقح ثم تكسر , وش الحل,,,

الناقه تبي لها تنظيف بمحلول وحبوب توضع في رحمها ..هذا بعد ما تيسر بدون ابرة اليسره لان الاكثار منها قد يسبب ارتخاء في عضلات الرحم لكن عليك بالتنظيف والتقطيع منها اذا يسرت وبعد ثالث يوم اضربها بالبعير وعطها ابرة استرومسيت بعد الضراب مباشره وان شاء الله يتم لقاحها

طبق هالكلام ودعويك لصاحب الرد