افيدونـــــا الله لا يهينكم,,,,,

مساكم الله بالخير يااخوان

عندي الله يسلمكم هالناقة وبها مرض في راسها مثل ماهو واضح بالصورة المرفقة

بس انا احترت معاها عطيتها ابر جرب اكثر من مره وغسلتها بالجاره والزيت المحروق وكلها ماجابت نتيجة

فياليت الله لايهينكم للى عنده علم وش هالمرض وعلاجه واكون له من الشاكرين

الناقة لقحه يااخوان

الله لا يوريكم في حلالكم باس..

وتقبلوا تحياتي,,,

رد: افيدونـــــا الله لا يهينكم,,,,,

دام الناقه لقحه ما يضرها لو جلس فيها الى تنتج ثم تعالجها لان اغلب علاجات الجرب والجلديه تاثر على اللقاح
لكن انا بشور عليك في الشامبو حق العبايات تحطه عليها وتغسلها منه باستمرار ما راح يضرها ابد وعندك بعد الفازلين طيب
الحاجه الثانيه اعزل الناقه عن باقي البل وحده تكفي

رد: افيدونـــــا الله لا يهينكم,,,,,

مرحبا يااخ محمد

المشكلة وانا اخوك انه قام ينتشر بجسم الناقة

وانا خايف انه يأثر على لقاحها وتصعد الناقة لا سمح الله

وعموما بيض الله وجهك على النصيحة وبناخذبها

بس برايك انه جرب؟؟؟

والا نوع من امراض الجلدية الاخرى؟؟؟

وياليت من الاخوان ابدا رايهم مشكورين

ومجمل ومشكور يابو سالم

وتقبلوا تحياتي,,,

رد: افيدونـــــا الله لا يهينكم,,,,,

استخدم مرهم للقرع ...

رد: افيدونـــــا الله لا يهينكم,,,,,

صبحك الله بالخير ابو عبدالله

ما عليك امر لو تمر محل قلي السمك وتاخذ من عنده زيت السمك القديم وتخلط معه ملح وتدهن به الناقه ونشاء الله تشوف الفرق مرت انا معي هذه الحالة ودهنتها به ولا عاد شفته بها مرة ثانية

رد: افيدونـــــا الله لا يهينكم,,,,,

صبحك الله بالخير ابو عبدالله

ما عليك امر لو تمر محل قلي السمك وتاخذ من عنده زيت السمك القديم وتخلط معه ملح وتدهن به الناقه ونشاء الله تشوف الفرق مرت انا معي هذه الحالة ودهنتها به ولا عاد شفته بها مرة ثانية

مسيك بالخير ياعابد

الله لايهينك وانا اخوك بمر انشاء الله بكره وباخذ الزيت والملح

بس استخدامه مره واحد والا نكرر الدهان.؟؟؟

ومجمل ومشكور

شاكر مرورك يااخ عبدالعزيز وبالنسبه للمرهم ماجاب نتيجة

وتقبلوا تحياتي,,,,

رد: افيدونـــــا الله لا يهينكم,,,,,

لو استخدمته مدة اسبوع يوم بعد يوم انشاء الله ما يضر بس ما عليك امرلو تزود الملح شوي

تحياتي لك

رد: افيدونـــــا الله لا يهينكم,,,,,

انشاء الله نبمشي على كلامك وعساها تتعاف من هالبلاء

والله لا يهينك ياعابد

وتقل تحياتي,,,