الرحم مسكر

يالربع مساكم الله بالخير
عندي ناقه تشاول . والناقه لها سنه ماولدت
مالكم بالطويله
وديتها الجامعه . وقالو لي الناقه مسكر رحمها لم يعالجوها يقولون بعها لحم
مالحل جزاكم الله خيرا (الناقه مزيونه)

رد: الرحم مسكر

مساك الله بالرضا والعافيه أخوي خالد

شف هالروابط يمكن تفيدك

http://www.mzayan.com/vb/showthread.php?t=11681

http://www.mzayan.com/vb/showthread.php?t=21812

رد: الرحم مسكر

النفخ بليّ ... هوز بلاستيكي بالفم قبل تضريب الناقه مباشرة" في رحم الناقه

رد: الرحم مسكر

لاحول ولاقوة إلا بالله العظيم
صارت ذا الحالة عندي والناقه رحمها مسكر وحاولت من يمين ومن يسار في علاجها وقالوا أطلب الله وطلبته ثم بعتها .
لكن لكل قاعدة شواذ !
وإذا مالها علاج بالمره عندي لك راي : إذا كان سنها صغير أو وسط فحاول تعسفها وتخليها رحول ،،، لأن الرحول بتجيب قيمة أكثر .

رد: الرحم مسكر

اخوي .. فيه ناس تدخل على الابل وتفتح الرحم ..

عندي كمن ناقه قالوا لي انه تصكر رحمها .. وفيه بكار ما قد لقحن .. ووتصكر رحمهن .. في الاخير .. جبت لي سوداني .. خبير جدا وفتحها بيده .. بس لو تسمع صوت يده وهيه اول ما دخلت داخل رحمها كنك فقعت بالونه وسوت طبه .. وتمت الناقه تنزف نزيف متوسط لا هو بقوي .. ولا هو بالخفيف .. وفي الاخير ابشرك انها لقحت .. بعض الاطباء ما يجرب شي جديد بس يطبق ياللي درسه وبس

لو حابب تخاطر .. شوف لك خبير شعبي .. وخله يدخل عليها ..

وازيدك من الشعر بيت .. يايب الوالد من كمن يوم ناقه مصكر رحمها بالمره .. .وجبت لي نفس السوداني .. وفتح الرحم " كرمك الله " .. والحين صار لها كمن يوم ما تاكل .. بس ان شاء الله بترجع الاوليه .. وبنمرحها بعد 14-18 يوم .. " يلتأم الجرح "

والله يفرحك بشوفتها عشرا ويتبعها حوارها قريب يا رب

رد: الرحم مسكر

لكم كل تقديري وأحترامي