الحل مع الخمله بالحواره

صباح / ومسى الخير للجميع
والعيد عليكم مبارك والله يتقبل منا ومنكم صالح الاعمال
ويجعله يعود عليكم اعواماً عديده
يالربع ودي أنشدكم والش السواة مع الخمله دبت بحوار عندي
ودبت بامه قبل بس رشيتها بالجره وكنها اشوى
لكن الحوار وش دبرته مع العلم ان عمره أسبوعين او يزيد عنها بكم يوم
وهل الإبر تضره بهالعمر ووش الحل الافضل له ولكم جزيل الشكر

رد: الحل مع الخمله بالحواره

اخوي شف الرابط انشاء الله يفيدك

http://www.mzayan.com/vb/showthread.php?t=31256

رد: الحل مع الخمله بالحواره

وانت بخير وعافيه اخوي خالد عليك بفنجال جاره تركيز خفيف 15 وصابون فيري اخلطهم بموية صحه ام ريالين ثم افرك بها الحوار بيدك واحرص يكون بوقت دفا مثل الضحى او الظهر علشان ما يضر الحوار البرد واحرص دايما تلمس ظهر الحيران بين وقت واخر علشان تتأكد من خلوهن من الخمله لأنها تقضي عليهم عجله وبدون ما تحس بها وعسى الله يمنحك منه

رد: الحل مع الخمله بالحواره

مرحبا يا النشاما ..

العذر والسموحه على الرد بسؤال ثاني

بس وشو الجاره !؟؟

يعني تختلف الكلمه ومعناها من دار ودار ..

فلو احد يتكرم ويقولنا وشو الجاره وجزاه الله خير .....

رد: الحل مع الخمله بالحواره

السلام عليكم

الجاره هو السم اللي يخلط مع الماء ويرش به الحلال من ( القراد )

ابو محمد

رد: الحل مع الخمله بالحواره

الجاره هي مايقال لها عند بعض الناس (السميه) يا اخوي

وكلام اخوي حمد الدوسري 100%

رد: الحل مع الخمله بالحواره

مسيك بالخير يابو عبدالعزيز

انا اقول عليك بالريد ( بف باف )

بس لا تكثر وبخ الاماكن اللى يتواجد بها بس لا يجي عيون الحوار

وانا مجربه والنتيجة جيده جدا ولا يحتاج لها تعب

وتقبل مروري....

رد: الحل مع الخمله بالحواره

ياهلا ومرحبا بالجميع
والله لايهينكم فرداً فردا
عز الله ماقصرتوا وبيض الله وجيهكم جميعاً
وبصراحة هالمنتدى محسود بسبب أعضائه
ومرتاديه وطبعاً مشرفيه اللي كل شخص بهالمنتدى يتسابق
مع اخوه الاخر بالطيب ....
اكرر شكري وامتناني للجميع .....