مدي اربعة وعشرون ساعة تشول

السلام عليكم ورحمة الله وبركاتة

وكل عام وأنتم بالف خير

عند واحد من الربع ناقة اربعة وعشرين ساعة وهي تشول

ومر عليها سنة والناقة لازالت تشول

والرجال جاب لها دكتور وفتش عليها ونظفها تماما وبعدها بيوم ساقها علي البعير وتشول نفس الحكاية وضربها ابرة ايسرة وساقها بعد اربع ايام ولا زالت تشول


ارجو من الاخوان اذا احد مرة علية الحالة هذي انه يفيدنا او عند حل

والشكر موصول للجميع

رد: مدي اربعة وعشرون ساعة تشول

انا مثل الان مرت عندي سنة وهي تشول كل ما مر الفحل ويكرفها ويعيفها ما يضربها ونظفتها وما خليت طريقة والي يشوفها يقول لقحة وما عرفت ويش الحل فيها نصحوني ناس اوديها لفحل ثاني يمكن يظربها

رد: مدي اربعة وعشرون ساعة تشول

يمكن انها معشش

..

رد: مدي اربعة وعشرون ساعة تشول

هذا عشش
ويطلع بطريقتين
اما واحد يغسل ويعرف العشش ويطلع بإصبعه
او ابرة تنظيف
والأولى احسن

رد: مدي اربعة وعشرون ساعة تشول

الله يجزاكم خير علي المرور

رد: مدي اربعة وعشرون ساعة تشول

وغير الفحل وبالتوفيق

رد: مدي اربعة وعشرون ساعة تشول

ما ازيد على اخواني اللي سبقوني

لكن عندي سؤال

هي مشترى من السوق ؟؟

اذا كانت مشترى هذا احد طرق الغش

رد: مدي اربعة وعشرون ساعة تشول

عطها أبرة تنشيط مبايض

ولا تضربها لين تكسر الشوال

اذا ماكسرت الشوال كيف بتعرف انها عشرت ؟


ادخل على الناقة وجس جدار رحمها اذا خشن الناقه فيها تليف بجدار الرحم

ولا تتعب نفسك وتخسر نفسك بالادوية

واذا رحمها لين عطها ابره تنشيط المبايض واليسره

ومضاد للاتهابات وضربها بعد 4 ايام اذا كسرت الشوال

واذا ماكسرت الشوال عطها ابرة تنشيط مبايض ثاني مره

والله يوفقك

رد: مدي اربعة وعشرون ساعة تشول

الله يجزاكم خير علي المعلومات

وبيض الله وجيهكم جميع

رد: مدي اربعة وعشرون ساعة تشول

السلام عليكم الربع اللي تكلموا ما قصروا لكن ودي أشارك بالموضوع باللي الله يعيننا عليه والخبرة البسيطة ومن واقع تجربة
أولا : في حالة ان تكون الناقة سبق لها ان لقحت وولدت.
ثانيا : في حالة ان تكون الناقة لم يسبق لها ان لقحت وولدت.
في الحالة الأولى كان عندي ناقة 3 سنين وهي تشول وما الله كتب اني اهتم لها الا قبل سنتين ودس عليها واحد من الربع ونظفها وعقبها ب 4 أيام ضربتها أبرة يسرة وكانوا الرعيان يسبحونها لأنه قام يطلع منها خبث عقب الأبرة ولا عاد شالت وعقب أسبوع أضربتها بالبعير ولقحت أبشرك وقد حاشيها مفرود الحين.
في الحالة الثانية طبعا أكثر الناس وأغلبهم يقول الناقة اللي ما بعد لقحت ما يدس عليها في هذي الحالة وإذا كانت الناقة تشول (وهذي عندي في 6 من الأبل ولا بعد لقحت نهائيا وتشول واذا شافها البعير ما بغاها) تضربها طال عمرك بأبرة كسر الشوال أسمها (أسترا ديول) وتراها غير متوفرة لكن فيه لها بديل وعقب ما ينكسر شوالها بحوالي أسبوعين او 10 ايام تضربها أبرة اليسرة وعقبها اعرضها على البعير والله يوفق الجميع.
ونرجو السموحة على الأطالة

رد: مدي اربعة وعشرون ساعة تشول

بيض الله وجهك اخوي علي

والله لا يهنك علي كل حال

وفيت وما قصرت

رد: مدي اربعة وعشرون ساعة تشول

السلام عليكم ورحمة الله وبركاته
الاخوان ماقصروا جميعاً في إجاباتهم واحب ان أضيف أنه إذا في جدار الرحم جرح فإنها تشول مادام الجرح ماشفي والله أعلم

رد: مدي اربعة وعشرون ساعة تشول

الله لايهينك اخوي سالم علي المرور