وش حل الحوارة

اخواني الاعضاء والزوار
اسعد الله مسائكم بكل خير
عندي حوارة عمرها تقريباً ثلاث شهور لاكن ما بنت سنام ابداً وحالها زين ونشيطه وش الحل يا جماعة واحس انها حاسرة شوي علماً انها ما قصرنا عليها بالحليب من الخلفات الاخرى

رد: وش حل الحوارة

الحواره يتيمة؟

رد: وش حل الحوارة

اذا اكلها زين وجرمها زين يمكن تكون عراء وهي ناقه بدون سنام خلقها كذا

رد: وش حل الحوارة

الأخ ماجد

هل كان لها سنام يوم انها اجدلت يعني بعد عشرين يوم من ولادتها شق سنامها والا لا؟؟؟

اذا كان الجواب نعم ..... وبعد ماذاقت العلف راح سنامها ممكن انها مريضة بأحد المراض..؟!!

أما إذا كانت من يوم ولادتها ماشق سنامها فهذا من لبن أمها ماهو نفاع...!!

مسألة الضيار الآن مسألة سهلة

بأمكانك تضيرها على ناقة أخرى
بشرط لاتشوف العلف لمدة اسبوع قبل الضيار يعني تخليها على حليب امها.
على شان تركب الناقة الثانية


أما اذا كنت لاتستطيع ذلك فاكرمها بالعلف وخله ناقع عندها شعير مجروش وبرسيم دقاق مع لبن الأم

وأنصحك دق الأم ابرة ديدان وابرة هيام

والبكرة عطها منشط للكبد وفيتمينات مساعدة..
..
..