نفاخ بين الديس و السر عطونا العلم فيه

نفاخ بين الديس والسر اسفل بطن الناقة ،،،،،،،،،، الناقة لها شهر من يوم ولدت صحتها زينه ومسرحها مع البل وممشاها زين واكلها ما لاحظت عليه شيء ،،،،،،،، بس الحيرني ذا نفاخ رحت لدكتور وقال هيام ،،،،،، وله هيام كان انحل حال الخلفة وشان اكلها ،،،،،،، وصار لها ا الان سبوعين من يوم جاها هانفخ اعطونا العلم ياهل الخبرة الله يجزاكم بالخير

رد: نفاخ بين الديس و السر عطونا العلم فيه

الله يكفيها من كل مكروووه وان شاء الله يخيب كلام الدكتور ..

بالنسبه لي ما اقدر افيدك والاخوان بيفدونك باذن الله ..

ولو إنك اضفت صوره أفضل ..

رد: نفاخ بين الديس و السر عطونا العلم فيه

هلا اخوي محمد الدكتور صادق طقها بابرة هيام وهذي بداية هيام قد حصل معنا في البل وطقينها وراح عنها والعلم عند الله

رد: نفاخ بين الديس و السر عطونا العلم فيه

اخوي انا جاء في ناقه عندي خلفه
وراح الضاهر من الطعم

رد: نفاخ بين الديس و السر عطونا العلم فيه

الديد فيه ورم ؟؟؟ ووش نوع طعامك؟؟

رد: نفاخ بين الديس و السر عطونا العلم فيه

مشرفنا العزيز عبدالعزيز التميمي اسعدنا مشاركتك والله يجزاك خير وما قصرت وان شاء الله احاول اضع صورة
اخوي محمد السيحاني الدكاترة اغلبهم يعطيك علم ولكن ماهو اغلبها صحيح العلم وكاد من الكشف الميداني وامراض البل تلزمها الخبرة والممارسة تختلف عن سائر البهائم سبحان من خلقها كونها جزاك خير وما قصرت
اخوي علوش النفيعي الله يجزاك بالخير ان كان من الطعام هانت لاني تركتها عند جار لي في المراح يوم كانت مقارب عندما حلت لدهناء الله يغيثها ويغيث ديار امين يارب العالمين بعد مفكوا حمها خفت عليها من الممشى والشيل وهي من البل الغوالي عندي

رد: نفاخ بين الديس و السر عطونا العلم فيه

الديد فيه ورم ؟؟؟ ووش نوع طعامك؟؟

هلا اخوي
اذا كان شق من الديد مورم ومنتفخ وطعامها البرسيم والشعير ويش الحل علما باني جربت المرهم الابيض والماء وتنضيف الديد وطلع اليوم انتفاخ في خف اليد الايسر ونتفاخ في النحر وبطن الناقه منتفخ مدري من كثر الطعام والعافيه ولا مرض

رد: نفاخ بين الديس و السر عطونا العلم فيه

الديد فيه ورم ؟؟؟ ووش نوع طعامك؟؟

اخوي خالد نعم الديد فيه ورم وخف اطعمها برسيم مستودع وتبن ( كرم الله وجيهكم )
ومشكور على المشاركة

رد: نفاخ بين الديس و السر عطونا العلم فيه

اذا كان الورم بسيط على قد الكف
فهذا والله اعلم عادي ومامنه خوف ان شاء الله
وبيزول بعد رشه بالماء البارد كم يوم
وفي العاده يطلع في الابكار

رد: نفاخ بين الديس و السر عطونا العلم فيه

السلام عليكم
هذا المرض والله العالم يسمى مرض الحيه وله كي وبعطيك رقم شخص يفيدك اكثر بعد الله وهذا رقمه/0509404326وان شالله ناقتك ماتشوف شر

رد: نفاخ بين الديس و السر عطونا العلم فيه

نفاخ بين الديس والسر اسفل بطن الناقة ،،،،،،،،،، الناقة لها شهر من يوم ولدت صحتها زينه ومسرحها مع البل وممشاها زين واكلها ما لاحظت عليه شيء ،،،،،،،، بس الحيرني ذا نفاخ رحت لدكتور وقال هيام ،،،،،، وله هيام كان انحل حال الخلفة وشان اكلها ،،،،،،، وصار لها ا الان سبوعين من يوم جاها هانفخ اعطونا العلم ياهل الخبرة الله يجزاكم بالخير

اخوي محمد السعد
الدكتور على حق وجرب هذي الطريقه ابره الهيام الفرنسيه و15 سم من ابره الفوميك الامريكي وعشر حبات للدود وعساها ما تشوف شر

رد: نفاخ بين الديس و السر عطونا العلم فيه

حياك الله يا محمد

انا عندي ناقتين مثل هالحاله وحده خلفه مصغر و الثانيه لقحه بكر

والخلفه اذا امست خلوفها سلم واذا اصبحت خلوفها اليمين فيها انتفاخ ولا يروح الا مع المسراح

واعطيت الخلفه ابرتين وخف ورم خلوفها لمدة اسبوع والحين عود عليها الانتفاخ

رحت للدكتور له خبره طويله في الابل وعلاجها يقول اذا الناقه ماخفت من الانتفاخ الي بين البطن والسر وخلوفها

او اذا راح الانتفاخ ورجع الانتفاخ لها مره ثانيه فهذا بداية هيام فلا بد ان نعطيها ابرة هيام

ويقول الدكتور ماهو شرط انه يخف اكلها او تدمع عيونها او انها تلاقي الشمس حتى تبين لك انه هيام

بالنسبه لي انا للحين ما عطيتها ابرة هيام ومتردد وجزاك الله خير اخوي محمد انك نزلت الموضوع

وعسى ربي يبارك لك ولنا وللمسلمين في حلالهم ولا يخسرنا يا رب

في انتظار ارئى الاخوان ووجهات نظرهم وتجاربهم

رد: نفاخ بين الديس و السر عطونا العلم فيه

هل الناقه ماكله ذره الايام اللي راحت

رد: نفاخ بين الديس و السر عطونا العلم فيه

حياك الله يا محمد

انا عندي ناقتين مثل هالحاله وحده خلفه مصغر و الثانيه لقحه بكر

والخلفه اذا امست خلوفها سلم واذا اصبحت خلوفها اليمين فيها انتفاخ ولا يروح الا مع المسراح

واعطيت الخلفه ابرتين وخف ورم خلوفها لمدة اسبوع والحين عود عليها الانتفاخ

رحت للدكتور له خبره طويله في الابل وعلاجها يقول اذا الناقه ماخفت من الانتفاخ الي بين البطن والسر وخلوفها

او اذا راح الانتفاخ ورجع الانتفاخ لها مره ثانيه فهذا بداية هيام فلا بد ان نعطيها ابرة هيام

ويقول الدكتور ماهو شرط انه يخف اكلها او تدمع عيونها او انها تلاقي الشمس حتى تبين لك انه هيام

بالنسبه لي انا للحين ما عطيتها ابرة هيام ومتردد وجزاك الله خير اخوي محمد انك نزلت الموضوع

وعسى ربي يبارك لك ولنا وللمسلمين في حلالهم ولا يخسرنا يا رب

في انتظار ارئى الاخوان ووجهات نظرهم وتجاربهم

الله يبارك لك اخوي سيف في حلالك ومالك وعيالك ويجزاك بالخير ،،،،،،،،،،،،،،، شرفني مشاركتك ،،،،،،،،،،،،،،،،،،،،،،،، انا اقول وهذا وجهت نظر لي البعض يعارضها والاخر يأيدها الدكاترة الموجودين ماعندهم الا رمعة يا تصيب او تخيب ان طابت البهيمة صدق حدسه وان خاب قال فيها المرض الفلاني اخذ العلاج وجرب يعني اصبحت البهيمة حقل تجارب وبذلك زدنا الطين بله

رد: نفاخ بين الديس و السر عطونا العلم فيه

هل الناقه ماكله ذره الايام اللي راحت

هلا اخوي شباب نعم يوم كانت عند جاري علف حلاله ذرة
شرفني مرورك والله يجزاك خير