يالربع الناقه فيها نفااخ في بطنهااا؟؟؟

السلام عليكم ورحمة الله وبركاته

مساكم الله بالخير

يالربع عندي خلفه والد لها حول الشهر

واليوم اشوف فيها نفخ في بطنهااا بين الصفن وبين السر غادي كنه زور وفيه من قدام السر

هذا النفخ الي بين الصفن والسر وتراه متحاول السر من يمين ويسار



وهذا من قدام السر



يالربع الي يعرف ويش ذا المرض ولا ويش علاجه يعجل علي
للعلم الناقه تاكل ولبنها زين

رد: يالربع الناقه فيها نفااخ في بطنهااا؟؟؟

وعليكم السلام ورحمة الله وبركاته

يالله حي اخونا فهد

على ما أظن طال عمرك انها مقروصة ,,

رد: يالربع الناقه فيها نفااخ في بطنهااا؟؟؟

وعليكم السلام ورحمة الله وبركاته

يالله حي اخونا فهد

على ما أظن طال عمرك انها مقروصة ,,

الله يبقيك ياطلال

بيض الله وجهك على المرور بس ياليت تعلمني ويش العلاج اذا كانت مقروصه

رد: يالربع الناقه فيها نفااخ في بطنهااا؟؟؟

ارحب يافهد تراحيب الحيا

حالت ناقتك مثل حالت الخلفه الي عندي و عندي بعد ناقه بكر لقحه فيها نفس الانتفاخ

وفي نفس المنطقه بين الصفن و السر ....


ولكن لدي سؤال اخوي فهد :: عندي الخلفه ينتفخ ضرعها لما تصبح ولما تجي من المفلا يغدي طبيعي ولكن واضح عليه الانتفاخ ويحول اسفل الضرع

والانتفاخ ما يجيه الا في شقها الايمن وخاصه في المقدم .؟؟

هل الخلفه الي عندك نفس حالت الخلفه الي عندي ... او مرت عليك هالحاله لاسمح الله ...

لاهنت اخوي فهد على تنزيل الموضوع والله يكتب لنا ولك وللجميع الستر و العافيه

رد: يالربع الناقه فيها نفااخ في بطنهااا؟؟؟

ارحب يافهد تراحيب الحيا

حالت ناقتك مثل حالت الخلفه الي عندي و عندي بعد ناقه بكر لقحه فيها نفس الانتفاخ

وفي نفس المنطقه بين الصفن و السر ....

ولكن لدي سؤال اخوي فهد :: عندي الخلفه ينتفخ ضرعها لما تصبح ولما تجي من المفلا يغدي طبيعي ولكن واضح عليه الانتفاخ ويحول اسفل الضرع

والانتفاخ ما يجيه الا في شقها الايمن وخاصه في المقدم .؟؟

هل الخلفه الي عندك نفس حالت الخلفه الي عندي ... او مرت عليك هالحاله لاسمح الله ...

لاهنت اخوي فهد على تنزيل الموضوع والله يكتب لنا ولك وللجميع الستر و العافيه

بيض الله وجهك اخوي سيف على المرور العطر
وبالنسبه للوريم الي في ديد الناقه حاول انك تحط عليه ماي بارد وملح
وعقبه ادهنه بفازلين
واذا مانفع تعين عند البيطري دهان لونه اخضر ريحته كنها ريحة الفكس
وان شاءلله تطيب ناقتك والاهم لا تخلي في الناقه لبن وخص في اللشق الي فيه وريم
وترا بعض الابل فيها وريم دائم مايفش مره ولا ينفع معه الا ابره بعض الابل تسلم على طول ولا عاد يرجع لهااا وبعضهاا يرجع لهاا
وترا الابره تنشف ديد الناقه من البن مره وحده لفتره وعقبه يرجع البن

وملاحظه اذا الناقه تعطيهاا برسيم اقطعه منهااا لفتره لين يكبر حوارها عطهاا شعير مجروش ولا مضغوط

وان شاءلله ماقصرت معك ياسيف واي خدمه أنا حاضر

رد: يالربع الناقه فيها نفااخ في بطنهااا؟؟؟

السلام عليكم
اخووي هذي يسمونها الحيه لها كي بأذن الله تسلم وفيه واحد اعرفه يقول انه عطاها ابرة فينادين وسلمت
الله يفكلها

رد: يالربع الناقه فيها نفااخ في بطنهااا؟؟؟

السلام عليكم ورحمة الله وبركاته

مساكم الله بالخير

يالربع عندي خلفه والد لها حول الشهر

واليوم اشوف فيها نفخ في بطنهااا بين الصفن وبين السر غادي كنه زور وفيه من قدام السر

هذا النفخ الي بين الصفن والسر وتراه متحاول السر من يمين ويسار



وهذا من قدام السر



يالربع الي يعرف ويش ذا المرض ولا ويش علاجه يعجل علي
للعلم الناقه تاكل ولبنها زين

اخوي فهد مساء الخير وجدت مشاركتك في موضوعي على الرابط الموضح ادناه
http://www.mzayan.com/vb/showthread.php?t=32710

نعم هو ولكن ماهو بمثل انتشاره ألي عندي اخف انتشار والله شيء محير !!!!!!!!!!!!!!!!!!!!!!!!!!!! الله يشافي ويعافي خلفتك وان توصلت لعلاج فأعلمنا به الله يجزاك خير ونحن كذلك

رد: يالربع الناقه فيها نفااخ في بطنهااا؟؟؟

انا صار عند واحد من زملائي نفس الورام وبعد كان الورم قدام المبرك زورها وكانت الناقة لقحة وخفنا لايكون ابو دبة
ولكن بعد ما نتجت راح الوريم ورجعت زي اول عادي وحتى الان لها تقريبا سنة ونصف ما عاد رجع الورام

رد: يالربع الناقه فيها نفااخ في بطنهااا؟؟؟

السلام عليكم

اخووي هذي يسمونها الحيه لها كي بأذن الله تسلم وفيه واحد اعرفه يقول انه عطاها ابرة فينادين وسلمت

الله يفكلها

بيض الله وجهك ياشباب على المرور
ولكن ياليت تعلمني هل اسم الابره فينادين وهل لها انواع

رد: يالربع الناقه فيها نفااخ في بطنهااا؟؟؟

اخوي فهد مساء الخير وجدت مشاركتك في موضوعي على الرابط الموضح ادناه
http://www.mzayan.com/vb/showthread.php?t=32710

نعم هو ولكن ماهو بمثل انتشاره ألي عندي اخف انتشار والله شيء محير !!!!!!!!!!!!!!!!!!!!!!!!!!!! الله يشافي ويعافي خلفتك وان توصلت لعلاج فأعلمنا به الله يجزاك خير ونحن كذلك

الله يفكهااا من الي فيهااا وان شاءلله اذا لقيت علاج مانيب باخل عليك

رد: يالربع الناقه فيها نفااخ في بطنهااا؟؟؟

انا صار عند واحد من زملائي نفس الورام وبعد كان الورم قدام المبرك زورها وكانت الناقة لقحة وخفنا لايكون ابو دبة
ولكن بعد ما نتجت راح الوريم ورجعت زي اول عادي وحتى الان لها تقريبا سنة ونصف ما عاد رجع الورام

بيض الله وجهك على المرور
وان شاءلله مايكون ابو دبه

رد: يالربع الناقه فيها نفااخ في بطنهااا؟؟؟

عطها ابرة زنبور البارده الفرنسيه + دهان الوريم وبعد 20 يوم كرر الابره

رد: يالربع الناقه فيها نفااخ في بطنهااا؟؟؟

جمل الله حالك وبيض الله وجهك اخوي فهد وكثر الله خيرك

وجعل ربي يشفي ناقتك ويفكها من الي فيها ويبارك لكم في حلالكم

بالنسبه للخلفه انا كنت مطبق نفس التعليمات الي قلتها انت وابشرك الخلفه في تحسن اللهم لك الحمد

ولكن مزال الورم الي خلف السر موجود في الخلفه و البكر وان شاء الله الاخوان مايقصرون بالافاده بعلاجه

لاهنت اخوي فهد على الرد الطيب وهذا من طيب راسك ..

رد: يالربع الناقه فيها نفااخ في بطنهااا؟؟؟

جمل الله حالك وبيض الله وجهك اخوي فهد وكثر الله خيرك

وجعل ربي يشفي ناقتك ويفكها من الي فيها ويبارك لكم في حلالكم

بالنسبه للخلفه انا كنت مطبق نفس التعليمات الي قلتها انت وابشرك الخلفه في تحسن اللهم لك الحمد

ولكن مزال الورم الي خلف السر موجود في الخلفه و البكر وان شاء الله الاخوان مايقصرون بالافاده بعلاجه

لاهنت اخوي فهد على الرد الطيب وهذا من طيب راسك ..

ولا أنت
ولا سويت الا الواجب
والله يشفي ناقتك وناقتي

وأي خدمه أنا حاضر اخوي سيف

رد: يالربع الناقه فيها نفااخ في بطنهااا؟؟؟

ان شاء الله الامر بسيط مالم يتزامن مع مرض واضح
جاء في بعض البل وراح من نفسه دون تدخل الا ناقه طول فيها وعطيناها مضاد تيرامايسين مره وحده وطابت
واعتقد المشي مهم
تقبلوا تحياتي