من يفيدنا جزاه الله خير

السلام عليكم ورحمة الله وبركاته

وش حال الجميع ان شاء الله بخير

عندي ناقه اضربتها 10 مرات ولا عشرت ونضفتها وقطعت الصيد وعطيناها فتامين وابر التهابات

ثم اضربتها وبعد مرور 10 ايام عرضتها على البعير طلعت معشر تشاول

واليوم الثاني عرضتها كسرت الناقه مادري وش سبب سرعة كسران الناقه

من يفيدنا جزاه الله خير وش الحل

رد: من يفيدنا جزاه الله خير

شوف القراين عدله ولا لا وذا كانت عدله سولها ندوه

رد: من يفيدنا جزاه الله خير

لاتعجل على المبروكه وانا اخوك ..

خل البعير معها في شبك واحد وبيسنعها

لا تكثر عليها الادخال والعلاجات

والبركه عند الله

والله يبارك لك فيها

رد: من يفيدنا جزاه الله خير

العشار السنه هذي مامدحوه ,, اهم شي ماتعسر الناقه يعني ماتضربها الا ميسر ,, يمكن اول ضرابك لها عاسرها ,, اصبر عليها لاتستعجل ولاتدخل عليها الا اذا كانت حايل ,, وفتش من الصيد يمكن فيها حميرا .