وش علاج الابل اللي تجث الشمع من الجذور وخاصه الرمث ادهرت بالارض عندنا وعند غيرنا واشوفها الايام هذي بزياده عند 90 في الميه من الحلال اللي عنده خبره في الموضوع لايبخل علينا
-
-
رد: الرجاء من الاعضاء المرور للاهميه
السلام عليكم هذي تسويها ابل قطر ولا اضن لها حل لا واضنها تعلم الابل الي غيرها والسلام -
رد: الرجاء من الاعضاء المرور للاهميه
قد قريت موضوع عن هذا السلوك
وياللي اتذكره من رد احد الاعضاء انه طلب من صاحب الحلال انه يحط حلاله في شبك كبير ..
وكل يوم يشبعه ويحط له رمث بس عروق الرمث تكون مسكوب عليه ماده تكره الحلال في جذوره وتعيفه هالعاده
يعني حط ابلك في شبك .. واشبعها .. وحط لها رمث من فوق صاحي .. ومن تحت مسكوب عليه ماده تكره الحلال في اكل الجذور لانه فيها عصار وهذا ياللي يحبب الحيوان فيها لين ما تصير عاده فيه ..
والله اعلى واعلمتعليق
-
رد: الرجاء من الاعضاء المرور للاهميه
استغفر الله العظيم
هذا من الذنوب الي علينا
الله يتوب علينا
مجاهيم ـ نجد ـ عوارض
المملكة العربية السعودية
الرياض
تعليق
-
رد: الرجاء من الاعضاء المرور للاهميه
الله لايهينكم على المرور ومشكور يابومحمد على النصيحه وانشوف اراء ونصايح الاخوان الاعضاءتعليق
-
رد: الرجاء من الاعضاء المرور للاهميه
الأخ عبدالعزيز الفضلي ،، تحيه طيبه وبعد ..
كيف جزمت وأيقنت بأن ذلك من الذنوب ؟؟
ياليت توضح لنا بالدليل !!!!تعليق
-
رد: الرجاء من الاعضاء المرور للاهميه
شد صوب الخله
وخل الرمث ينبت
والحل لاعاد تعطيها حشايش وخلها تنجبر تاكل الحمض وقلل في طعامها شويsigpic
مـــنـــــيـــفــــهتعليق
-
رد: الرجاء من الاعضاء المرور للاهميه
أساس المشكلة والعلم عند الله من اللي ينزلها في الرمث وهو أخضر ( مريخي ) يعني في غير وقت رعوته ولا فيه الا الرمث وبعدين تقعد تدور على اليابس منه وتبدا تقشع ثم يصبح التقشيع عادة أو سلوك ويتعلم الحلال كله من الآخر والحل أولا: أن البدو ماينزلون في الرمث وهو مريخي ثانيا: أنهم يقطعون الحشائش إذا نزلوا فيه والعلم عند اللهتعليق
-
رد: الرجاء من الاعضاء المرور للاهميه
أنا أتفق مع كلام أخوي جابر .. بأن المشكلة أن الحلال ما يشوف غير الأخضر ويقوم يدور على اليابس في ساق الرمث .المشاركة الأصلية بواسطة جابر بن عبدالله مشاهدة المشاركة
وهذه حاجة وبعدين تصير عادة وأنا عن نفسي صارت معي في البل وكانت ناقة وحدة تسويها والحين كل البل .
ولكم تقديري ,, أبوعبدالرحمنsigpicتعليق
-
رد: الرجاء من الاعضاء المرور للاهميه
مشكورين على المرور وعلى النصائحتعليق
-
رد: الرجاء من الاعضاء المرور للاهميه
مرحبا يا بو محمد حنا تكلمنا في هذا الموضوع ولكن الناس لم يعو ولم يستيقظو لان الرمث انقطع
لانهم لم يهتمووووو والموضوع حله سهل جدااااااا انا سألت ناس صارت عندهم هالحاله وسلمت
ابلهم والحمدلله اولا:
1- عزل الابل اللي تقطع عن الابل الاخرى لان التقطيع عدوى 100في %
2-حجزها في شبك لمده لا تقل عن شهرين
3- وهذا هو الاهم ((( في فم الناقه ومن الاعلى حرشه تحك وحتى تدمي وتحك اللثه الاماميه بملح )))
هذا كلام رجل موثوق منه ونتمنى التوفيق للجميع
وهذا رابط موضوع سابق :
http://www.mzayan.com/vb/showthread.php?t=30798عن ابن مسْعُودٍ رضي اللَّه عَنْهُ قال : قال رسُول اللَّه صَلّى اللهُ عَلَيْهِ وسَلَّم « لَقِيتُ إبراهيمَ عليه السلام لَيْلَةَ أُسْرِيَ بي فقال : يا مُحمَّدُ أقرِيءْ أُمَّتَكَ مِنِّي السَّلام ، وأَخبِرْهُمْ أنَّ الجنَّةَ طَيِّبةُ التُّرُبةِ ، عذْبةُ الماءِ ، وأنَّها قِيعانٌ وأنَّ غِرَاسَها : سُبْحانَ اللَّه ، والحمْدُ للَّه ، ولا إله إلاَّ اللَّه واللَّه أكْبَرُ » .
رواه الترمذي وقال : حديثٌ حسنٌتعليق
تعليق