ياجماعة الخير استفيدوا وفيدو

ياجماعة الخير عندي خلفات انحلب ونعين خير لكن باجماعه صار لها اسبوع مايجي فيها رغو وش المشكله يالربع والطعام متوفر عندها



الشي الثاني وش الحل مع الناقه اللي ماطاح سلاها الحل يالربع

رد: ياجماعة الخير استفيدوا وفيدو

مرحباااااااا ياذياب الخلفات منتقضه شف وش انت مغير في علفها .... اما بالنسبه لناقه عطها لقمت تمر فيهاا حلف وتحذف سلاها على طول بأذن الله

رد: ياجماعة الخير استفيدوا وفيدو

حولك ياذيب ..
بالنسبة للرغوة في الحلب هذا شي مع العلف ،، شكلك غيرت العلف عليهن .. والا انك في مكان مافيه غير العاذر !!
وبالنسبة للي ما أسلت الى هالحين ،، عليك بالرشاد .. اخلطه مع الماء وغر الناقه به .. وحده بوحده ..
الله يوفق الجميع .

رد: ياجماعة الخير استفيدوا وفيدو

بالنسبة للخلفات عطها إبة جرب أمريكي وهيام وبتشوف مايسرك؟؟
أما الناقه اللي ماطاح سلاها اذا ناقتك زادت عن 24 ساعه وماطاح افضل تجيب بيطري يدخل عليها وينظف عنها

رد: ياجماعة الخير استفيدوا وفيدو

السلام عليكم
البل عطها ابرة هيام و عجل بهااااااا
غالبا مايطير الرغو غير الهيام ويقل حليبها

رد: ياجماعة الخير استفيدوا وفيدو

الناقة اللي ماطاح سلاها عطها طال عمرك ثفا ( رشاد ) تلقاه عند العطار
حطه في تمره وعطها .