الغلاث ظهر

السلام عليكم ورحمة الله

أعضا ء مزاين الكرام

قبل تقريبا اسبوع طرحت موضوع عن بعير عندنا

استفسر عن حاله إصابته وتبين لنا انه غلام ومات والله يعوضنا خير انشأ الله

اليوم ياخوان تبين لنا ناقه من الابل أصابها الغلاث علما باننا قد اعطينا الابل

لقاح الغلاث جبناه من الزراعه وغيرنا المراح

وش الحل وهل الغلاث ينتقل من ناقه لاخري

عطوني الحلول بارك الله فيكم

رد: الغلاث ظهر

نعم اخوي عبدالله ينتقل إذا قامت الناقه المغلوثه ( بعض ) الابل وينتقل المرض عن طريق اللعاب ( الريق ) او إذا نوبت ( عظت ) شي من الابل كبير او صغير والافضل اي ناقه يتم الشك فيها على طول تعزل عن الابل عشان ما تعديها انا صارت عندي وجبت القاح والحمدالله افتكينا منه اما الناقه او البعير الي يغلث معوضين اهله الله يكفينا وياكم شره

رد: الغلاث ظهر

معوض خير ياعبدالله

الغلاث الله يكفينا شره ويكفى المسلمين معدي يمكنك نازل في محل حصانيه مغلث ... وهذا قد صار مع واحد من الربع مات عنده خمس كل شوي يبين في وحده

الحل وانا اخوك اللي تشوف فيها محل ناب ولا تشره عليها في شي اعزلها ولا تشرب مع البل ولاتقربها

وثاني شي وهو الاهم عليك بــ ( تمرة الراشد ) يقولون والنافع الله انها دواء للغلاث بامر الله وتراها توجد في حفر الباطن ان كان ماني غلطان حط منها تمرتين في الوايت وانشالله ينقطع الشر

والله يعينك ويعوضك خير في البعير

رد: الغلاث ظهر

توجد عند العطارين والله ماني متأكد بس اكيد لا سألت ان كان فيه سوق شعبي ولا عطارين تسألهم بيعلمونك

رد: الغلاث ظهر

الغلاث ماله علاج تعزل لين تموت او تذبح وتحرق وحط تحتها خطين تحرق .

رد: الغلاث ظهر

الغلاث اذا بانت اعراضه ماله علاج ابد اما لو عرفت ان الناقه عضها الثعل يعني شفت محل ناب اودم في الناقه فله علاج من الصيدليه وفيه ناس يكوون محل الناب وبالنسبه للاعراض تاخذ وقت مابانت تاصل حول الشهر .

رد: الغلاث ظهر

صبحكم الله بالخير اعضاء المنتدى

يا جماعة الخير ويش الغلاث هذا اللي تكلمون عنه ويش مسبباته ويش اعراضه

ترى المصطلحات تختلف من ديره لديره

رد: الغلاث ظهر

صبحكم الله بالخير اعضاء المنتدى

يا جماعة الخير ويش الغلاث هذا اللي تكلمون عنه ويش مسبباته ويش اعراضه

ترى المصطلحات تختلف من ديره لديره

الله يصبحك بالنور والسرور أخوي عابد
الغلاث يطول عمرك يعني مغلوثه
سعار يعني مسعوره
مغلوثه = مسعوره
أسبابه يكون عاض الناقه ومقرط فيها ناب حيوان مسعور ..
مثل : كلب الله يعزك ومن يقرأ أو ثعلب = ثعل = حصني
أو إن الناقه ماكله عظم مغلوث
أعراضه يختلف طبعها وهداوتها
وتشوفها ياتقرط في روحها وتمشي دمها أو تقرط في الاحواض والشبوك
يعني تصير مسعوره
أتمنى إني أفدتك لو بشيء بسيط

رد: الغلاث ظهر

الله يكفي الشر اهم شي تعزل الي تشك فيه للحد من انتشاره وانتبهو تراء بعير احد الربع عظ الراعي نيبالي وولده وترقدو بالمتشفاء واخذو العلاج
اكرر انتبهو وانا اخوك ولا تهاونو بالموضوع الموضوع خطير

رد: الغلاث ظهر

يحمل المصاب بالغلاث الفيروس 25 يوم بعده تبداء الاعراض ومن يومين الى ثلاثة وتموت البهيمه.

انا ماتت عندي خلفه

رد: الغلاث ظهر

الله يكفينـا وأياكم الشـر ...

ومعوض خير ان شاء اللـه ...

والاخوان كفو .. ووفـو ...

...

رد: الغلاث ظهر

الله يعطيك العافية اخوي عادل وكل الاعضاء

كفيت ووفيت

الله يكفينا وحلالنا شرور العلل

رد: الغلاث ظهر

كفيتو وفيتو اخووووواني الاعضاء علي المعلووماات الطيبه جعل والديكم الجنه .... تحيااااتي لكم.....

رد: الغلاث ظهر

الغلاث اذا بانت اعراضه ماله علاج ابد اما لو عرفت ان الناقه عضها الثعل يعني شفت محل ناب اودم في الناقه فله علاج من الصيدليه وفيه ناس يكوون محل الناب وبالنسبه للاعراض تاخذ وقت مابانت تاصل حول الشهر .

عليك بوضع دايره بلكوي في محل العضه اذا كانت العضه من ناقه مغلوثه اما اذا كانت من حصني فليس لها علاج ابد قم بذبح الناقه ثم لابد لابد من حرقها

رد: الغلاث ظهر

اخوي اذا تبي دم ابشر مرني واعطيك والاخوان يقولون ماله علاج ليش ماله اعلاج وهو داء الكلب وعلاجه دم البرازي معروف من قديم الزمان ولاينفعك علاجات الدكاتره والخرابيط والكوي علاجه ثنتين تمرة الراشد ودم البرازي والي اول مره يسمعون بالاغلاث وعلاجه يضغطون على ارابط ويقرون وهاذي دعوه من النبي صلى الله عليه وسلم

http://www.moltaqa1.com/vb/37530.html