انا عندي بعير سنه ثني السنه هذي البعير له كم شهر وهو ياكل ركبته والحين صار ياكل خف رجله اليمين وانتفخ الخف وانا ما ادري وش اسويبه الحين وما ادري وش الي صايبه مع العلم اني فاك قيده وحاطه بشبك كبير الي عنده خبر يالربع يفيدني جزاكم الله خير
-
-
رد: يالربع ابي حل
ياعبدالواحد بعيرك فيه حدمه ..
البعير يحدم يعني ينقهر .
وبالخصوص اذا شاف أمهاته يفلن ويتمشن وهو مربوط في الشبك
وبعض البعارين اذا شاف بعير ثاني وهو مربوط قام يقرط في عمره
والحل طال عمرك أنك تفكه يفلي ويطلق رجلينه مع ولايفه ولا راح تشوفه ياكل رجله اذا أطلقته -
رد: يالربع ابي حل
وعليكم السلام ورحمة الله وبركاته
ماقصر اخوي طلال عطاك الحل
اطلق الفحل يسرح مع امهاته وراح يتغير بشكل تدريجيمزاين
تعليق
-
رد: يالربع ابي حل
مشكورين يالغالين بس انا حاطه بشبك كبير تجي مساحته كيلو في كيلو واماته له سنه ونص ماهي عنده ولاشافهاوالحاله جاته قبل شهرين تقريبن
وصعبه افكه معا اماته لن معاها فحل ثانيتعليق
تعليق