وين هل البل

يالربع علومي سلامتكم عندي حوارة مالها الا خمسة ايام ومن يوم ولدت فيها لين في رجلاها ولا تمشي الا على كرمة الخف وخفافها مطرقة قدام ونبي الشور منكم وسلامتكم

رد: وين هل البل

مرحباااا أخوي مبارك
شف طال عمرك هالروابط علها تفيدك في علاج الحواره الله يشفيها
http://www.mzayan.com/vb/showthread.php?t=1810

فهد بن صلبوخ
رح للصيدليه واخذ حبوب اسمها (( نحاس ))
تخلطها مع ماء وتغرها الحاشي ..!
انا خابر للكبير تعطى خمس لكن للحوار والله مادري واسأل الدكتور بيفيدك فيها ..
وهذي للين والطرق ..؟؟

عيد المنصوري
اضم صوتي لصوت الاخ فهد
استخدم حبوب النحاس للحوار حبه وتعاد الجرعه بعد اسبوع
اذا كانت الحبه عيار 50
وحاول اعطائه فيتامين بي المركب

http://www.mzayan.com/vb/showthread.php?t=1968

رد: وين هل البل

يامبارك الأفضل تنتظر من الاسبوع إلى الأسبوعين قبل استخدام حبوب النحاس لان الحوار توه وأنا حصل معي نفس حالت حوارك وتركته لمدة أسبوعين وتعدلت بدون استخدام لا علاج ولاكي ولله الحمد

رد: وين هل البل

يالربع مساكم الله بالخير والله لايهين خالد وعادل ورحم الله والديهم على الردود الطيبة اللي ماهي غريبة عليهم 0 اما بالنسبة للبكره يوم جا اليوم فجاني البيطري وحط على رجلاها قطن وخشب وجبسها وقال خلوها لمدة اسبوعين مع حبة نحاس كل اسبوع حبة 2 غرام مع استخدام الكالسيوم لمدة اسبوعين 0 هايالنشامى وشرايكم 0 ودمتم سالمين0

رد: وين هل البل

كثير من الحيران حديثي الولاده يصير معهم هالمرونه في المفاصل

ولا تعطيها شي دام مالها إلا خمس ايام

خلها لين تشوف الحواره بعد ثلاث اسابيع من ولادها لانها كل يوم بتفرق عن اليوم الي قبله

وبعد ثلاث اسابيع تقدر تقرر اذا تحتاج حبوب نحاس ولا لا

رد: وين هل البل

انا اقول المفروض انك ماستعجلت عليها طبيعي اللين في الحوار اول اسبوع لكن مادامك وصلت الى البيطري اخذ برايه وانتظر ولاتستعجل الله يشفيها ويبارك لك ولكل مسلم امييييييين

رد: وين هل البل

مرحبا يابو مناحي صار معي وانا مع الاخوان شل الجبس وخلها مع امها والحليب بيصلبها وبتشوف مايسرك .

رد: وين هل البل

الرخاوة تصيب الحيران حديثة الولادة

بسبب نقص فيتامينات وعناصر معينة

هناك ابر للرخاوة عند البيطري
لو عطيتها الحوار باذن الله يستفيد ولا يجيه ضرر

رد: وين هل البل

الله يحييكم جميع
عندنا حوار صار معه نفس حوارك اللي عندك
وهالحين ماشاء الله عليه يسبق الطاير والموقع
لا اتعبث في الحوار ولا شي
حليب امة اكبر علاج
تحياتي للجميع

رد: وين هل البل

مرحبا يا مبارك

من واقع تجربة اترك الحوارة تحت امها ولا تعطيها لا نحاس ولا فيتامين وشل الجباير عنها

حليب امها دواها من كل شيء وبتشوف بعينك كان الله خلاها.

تقبل التحيه

رد: وين هل البل

الاخ مبارك

هذه من احد مشاكل ها الصيادله الذين يدعون البيطره
يا سيدي الكريم محد يجبر حوار !!!

الموضوع سهل يا اخي وعليك اتباع ما يلي :
1) اعطاء الحوار علاج للرخاوه (اي سلينيوم ) بمعدل 5 مل / اليوم لمدة 5 ايام ويمكن عن طريق الفم وليس العضل او الوريد
2) ترك الحوار مع امه بعيد عن المراح علشان محد يوطاه من البل او في شبك
3) اذا مر عليه اسبوعين ولا زال يوجد به تعكف في اليدين وليس رخاوه عليك باعطائه حبوب النحاس حبه كل 3 ايام

وتقبلوا تحياتي

رد: وين هل البل

هذا طبيعي ياجماعة الخير خاصه الحوار الراهي ياخذ له احيانا اكثر من اسبوع مااستعدلت وقفته وتلقا ارجيله ويدينه متعفصه وهذا مارية الحوار الطويل وانا شفت حيران بعضها ياخذ خمسة ايام مايقوم ولا يرضع الا بمساعده لانه كبير .

رد: وين هل البل

يالربع مشكورين ويعطيكم العافية على الردود الطيبة الحوارة فكيت جبايرها من ثاني يوم بعد ماشفت انتفاخ في الخفاف وعطيتها حبة نحاس 0 لكن الكرمة تحفت من الممشى عليها مع انها ماتطلع من الشبك 0

رد: وين هل البل

ابشر بالعافية لها

هذا الامر طبيعي ولونك اصبرت ملتأخذ لها عشرة أيام إلا وهي معتدله وهذا يحصل عند الجميع وهل البل يعرفونه

تقديري

رد: وين هل البل

طبيعي
الشمس + الممشى يكفي باذن الله
خلها تمشي مع امها على راحتها
تقبل تحياتي