استفسار في الفحل الي ياكل نفسه

بسم الله الرحمن الرحيم

استفسار في الفحل الي ياكل نفسه وش علاجه
علما ان الفحل يسرح مع الابل الصباح وغير محكور في حوش
من لديه علم او علاج لايبخل

رد: استفسار في الفحل الي ياكل نفسه

البعير يوم ياكل نفسه في مكان محدد من جسمه ولا في مواقع كثيرة من جسمه

شكرا

رد: استفسار في الفحل الي ياكل نفسه

اذكر كان نفس الحاله في بعير جارنا مبطي

وكان البعير ياكل يده وراح جارنا للصيدليه وياخذ منها بخاخ لونه ازرق يرش الاماكن اللي البعير ياكلها

ويقول صاحب البعير بعد مارشه انه معاد ياكل يده


والله العالم


..

رد: استفسار في الفحل الي ياكل نفسه

والله ياخووووووك ياحسن هذي مشكلة بدأت تظهر بشكل واااسع في أغلب الفحول ولا أدري وش سبب هالمشكلة ..
أنا عندي القعود في بعض الأحيان يقرط في ثفانه ألين يدميهاااا
وجاري عنده هرش نفس الحاله
وعندنا كم موضوع في هالقسم تسأل عن الشي نفسه .
نسأل الله السلامه

رد: استفسار في الفحل الي ياكل نفسه

مشكور اهتمام الجميع وتفاعلهم وبالنسبه الازرق نرش منه ومافيه فايده وسالت رجل له خبره وقالي الفحل يداوي نفسه بالعض اتركه ولاادري

رد: استفسار في الفحل الي ياكل نفسه

الزيت المحروق اطله واغرقه بالزيت وسرحه يمشي مع اماته

رد: استفسار في الفحل الي ياكل نفسه

انا عندي نفس الشيء
قعود توه مجذع ومعور يده اليسرى بكثرة العض لين ورمت
السبب اللي اتوقعه قد يكون ان البعير هايج ولا لقى له ضراب كافي

والحل انه يفدر

رد: استفسار في الفحل الي ياكل نفسه

انا عندي فحل نفس المشكله كان ياكل ايده اليمنا وقلت يمكن من القيد وفكيته ومازال يكل يده واشوفه الايام هذي ياكل خف رجله اليمنا ولا حصلت له علاجواتمنا ان الي حصل علاج لمثل هذي الحاله يرسل لي على الخاص

رد: استفسار في الفحل الي ياكل نفسه

وعليكم السلام ورحمة الله وبركاته

مرة او حلتيته واذا كلهم احسن من عند العطار تحط في الماء وترج حتى تذوب وترش على المناطق اللي ياكلها الفحل

واصل عليه فترة وبإذن الله تشوف تحسن


الحريّص

رد: استفسار في الفحل الي ياكل نفسه

فكة انهار كلة و اربطة فاليل

رد: استفسار في الفحل الي ياكل نفسه

وعليكم السلام ورحمة الله وبركاته

مرة او حلتيته واذا كلهم احسن من عند العطار تحط في الماء وترج حتى تذوب وترش على المناطق اللي ياكلها الفحل

واصل عليه فترة وبإذن الله تشوف تحسن


الحريّص

هلا وغلا اخوي حمد ..
انا جربت الحلتيته والصبره ( أقوى مرارة من المرة ألف مره )
ولكن دون جدوى

والفحووووووول ماهي سوى

البيعير عندي اذا فكيته مع أمهاته من الصبح يسرح ويتمشى
ماعليه خلاف ابدا ولا يحدم على نفسه ولا يقرط فيها .

بعكس تماما اذا خليته داخل الشبك مربوط ..
يقرط في عمره بالحيل

ولا الي الا أني أشبكه .. بسبب كثرة العزب حولي ولا عندي عامل بعد

رد: استفسار في الفحل الي ياكل نفسه

يعنى ما زال السبب غامض ومازال الموضوع قابل للنقاش

رد: استفسار في الفحل الي ياكل نفسه

صارت في بعيري كلا ثفنة ايده لين ادماها

يوم شاف ضرايب دخلت في الشبك وهو مربوط

والسبب والله العالم

انها من الحسره

رد: استفسار في الفحل الي ياكل نفسه

انا عندي فحل مثل حالت بعيرك وحطيتله زيت محروق وتعافى

رد: استفسار في الفحل الي ياكل نفسه

نفس المشكله عندي في قعود جذع من العام اشوفه طايح في ذا الحركه ولاتظهر الى في الشتاء وكان جنبه هرش مربوط والظاهر انه يشوفه يضرب وهو مربوط فاتوقع هاذا السبب


والهرش نفس الحكايه يااكل يده واتوقع ان السبب بعد باانه مايفك مع اماته


والله العالم