نصيحه

الاخوان في المنتدي فيه مرض منتشر في الابل وهو الجدري الله يكفيكم شره فهناك تطعيم له في وزاره الزراعه فعجلو بالتطعيم تراه سريع الانتشار

رد: نصيحه

مرحبا بك أخوي أبو مصلح ..

جزاك الله ألف خير على النصيحة وحب الخير لإخوانك كما تحبه لنفسك .
الله يكثر من أمثالك والجدري بالفعل مرض خطير وسريع الإنتشار .

ولكم تقديري .. أبوعبدالرحمن

رد: نصيحه

الله يكفينا وأياكم شره ...

وحتى تطعيمه يضـر ويأثر ...

جزاك الله خير وبيض الله وجهك

رد: نصيحه

الاخ احمد الفلاح الاخ مشعل الشويش مشكورين علي المرور وهاذا واجب لحد الان ماتت ناقه وقعود عندي وحتي الحليب قال الدكتور لا تشربه لكن نسيت المده كم والله يكفيكم شره

رد: نصيحه

[align=justify]
ابو مصلح

الله لا يهينك نبيك تبين لنا اعراض المرض

الله يكفينا شره ويحمي المسلمين
[/align]

رد: نصيحه

الاعراض حمي وتشوف الناقه سخيفه ولاترعي دوم باركه والعلامه الفارقه عن اي مرض تطلع حبوب علي فم الناقه او علي رقبتها اوعلي بطنها والله يكفيكم شره

رد: نصيحه

الله لايهينك يبو مصلح


والله يعوضك وجعلها فاديتن راسك


سؤال: وش شكل الحبوب اللي تطلع في فمها وهل حي من برى والا داخل لونها وش ؟
اللي اعرف ان الجدري مثل الجروح تحفر الجلد حفر فالخشم تبداء وتنشر فباقي الجسم!.
هل الحبوب لونها اسود؟

رد: نصيحه

الحبوب تجي من برا علي الفم ولونها اسود وتجي كثيره علي بعضها واللي علي البطن او الرقبه تشوفها مثل حب الذره لكن ماشفتها ظهرت تشوفها كانها تحت الجلد