الناقة منغثة وش الدبرة يا أهل العرف

يا أخوان عندي ناقة عطيتهن ذرة صايبها ماء وفيها عفونه وحدة من الخلفات صابها أمساك قامت ما تأكل وعطافها علي ولدها قليل وتدمن ( أكرمكم الله ) تقول دمان حوار صغير وناشف مرة ,,,عطيناها زيت سمسم مرتين ولا نفع ,,,,,,
وش الدبرة يا أهل العرف ......

رد: الناقة منغثة وش الدبرة يا أهل العرف

اذا كان الناقه يوم تبرك تحط ركبتها في بطنها وتشوفها مايله عليها فهاذا الشي في البطن يمكن تراب الله يعزك او شي ماسك حصل معي بعد شعير قديم وطردت الناقه بالسياره والجري يخض البطن وثاني يوم طلعت اللي بطنها لقيته تراب الله يعزك

رد: الناقة منغثة وش الدبرة يا أهل العرف

السلام عليكم
عليك بالسفن اب الحجم الكبير

رد: الناقة منغثة وش الدبرة يا أهل العرف

اخوي / ذياب الشمري
اذا كان الدمن صغير ...

اذا كان الناقه يوم تبرك تحط ركبتها في بطنها وتشوفها مايله عليها

فهذي مواري (الشوكه) ولها كيه على الكلوه بالطب الشعبي ..
واذا كانت الناقة منتفخ بطنها ...

عليك بالسفن اب الحجم الكبير

وتقبل رائي بكل رحابة صدر ...

رد: الناقة منغثة وش الدبرة يا أهل العرف

اخوي ذياب عن تجربه انا عطيتها ابرة مضاد حيوي ثلاثة ايام مع بودره للهضم و زيت الخروع الصغير ست علب او الملح الانجليزي والحمد لله فكها الله لكن لو ما نفعت فهناك ابره خاصه بالشوكه الاهم انك ما تترك الناقه بدون علاج لانه ممكن تتحول الحموضه اللي في المعده نتيجة تعفن الاكل فيها الى تسمم بالدم خصوصا ان كان انها ما تجتر

رد: الناقة منغثة وش الدبرة يا أهل العرف

اليوم طردت الناقة شوي وعطيناها ذرة وكنها أحسن شوي ,,جزاكم الله الخير ما نستغني عن خبرتكم

رد: الناقة منغثة وش الدبرة يا أهل العرف

ذياب

مسيك بالخير

والله يشافي ناقتك

انا اتوقع والله اعلم على حسب كلامك انه تسمم

عندك خيارين وانا افضل الاول:-

1- خذ لها تحليل دم وافحصه خذ عينتين والمختبر فالجنادريه يطلع النتيجه خلال 4 ساعات وبكذا تتاكد ابرك لك من التعبث كل يوم بعلاج.

2- اذا انك بتقول بعيد وما اعرف احلل ومتعيجز دقها بأبرة تسمم وبأذن الله من بكره تسلم.

العلم عند الله انها متسممه .


بالتوفيق للجميع

رد: الناقة منغثة وش الدبرة يا أهل العرف

ناقتك فيها شوكه وله كيه على الكلوه مثل ما قال اخوي

ولا تهمل الناقة لان مرضها ذبح ناقتين معنا

وهذي صورة مقاربه لكية المرض من توقيع الاخ فلاح الخالدي

رد: الناقة منغثة وش الدبرة يا أهل العرف

أبشركم الناقة هاليومين زينه ولافيها خلاف قطعنا عنها الشعير بعد زيت السمسم واليوم تأكل في البرسيم ولاعليها خلاف ,,,جزاكم الله خير كل من شارك بالموضوع ....