ياربع وشهو الي مثل الجرب ولاهو بجرب

السلام عليكم

يخوان انا عينتلي ناقه زينه على وجها مثل الجرب من حول العين وثم الناقه فقط ولاهو بمنتشر في الناقه

سالت راعيها قال هاذ اسمه طير يجي بعض البل في البرد ويروح في الحر ولاهو بجرب حبيت استفسر من يفيدنا في الموضوع

وهل له اعلاج او معدي لتعم الفايده وشكرآ

رد: ياربع وشهو الي مثل الجرب ولاهو بجرب

اخ راشـــد ياليت تصور الناقه صوره قريبه وواضحه عشان اعلمك وش الي فيها وعلاجه بأذن الله

لانه واجد الامراض الي اتشابه بالــبل وانتبه لايكون الناقه توه صايبتها الجدره لانها ماتبين اول الوقت

لكن العلم بعد ماشوف صورة للناقه ان شاء الله .

رد: ياربع وشهو الي مثل الجرب ولاهو بجرب

أمكنة برد

رد: ياربع وشهو الي مثل الجرب ولاهو بجرب

الله لا يينكم وننتضر مشاركت الجميع

رد: ياربع وشهو الي مثل الجرب ولاهو بجرب

راشد صباح الخير

راشد هذا اسمه حساس .. روح لاقرب بيطري وقله عطني ابرة حساس ..


اللي يجي كنه جرب ولا هوب جرب .. يشوه شكل الناقه شوي .. ويغير لونها ..


والعلاج ابرة حساس وانا مجربها ..

رد: ياربع وشهو الي مثل الجرب ولاهو بجرب

يقولون هذا من انواع البهق
#############

رد: ياربع وشهو الي مثل الجرب ولاهو بجرب

مرحبا أخوي راشد ..

هل هو مثل البقع على راس الناقة ؟
إذا كان بقع هذا نوع من أنواع الذباب أعزكم الله ويكثر الأيام هذه وله دهان كبريتي تدهن به الناقة لكن بعيد عن عيونها وبإذن الله يروح بالتدريج .

ولكم تقديري .. أبوعبدالرحمن