القعود وش علاجه يالربع

السلام عليكم ورحمة الله,,,
مانستغني يااخوان عن رايكم وفزعتكم عندي الله يسلمكم قعود لعب فيه الجرب وحالته رديه عطيته ابرة الجرب ديكتوماكس على جرعتين ودهنته بالجارة , راح الجرب عن الجلد ولكن بقى ضعيف مع اني مكرمه وبعد فترة جاه ورم في نحره وكتفه ومع الدهان زال ورم الكتف وخف ورم النحر والحين راح ست شهور وهو احسن لكن لايزال ضعيف جدا والورم اللي في نحره باقي..... اسعفونا بالراي الله يجزاكم خير

[align=center]الأخ فهد

حياك الله

كم عمر القعود

هل أعطيته حبوب الدود

هل هو يأكل اللي تعطيه مثل الخبز وغيره[/align]

الاخ / فهد شكرا لسرعة تجاوبك الله يجعلها في ميزان حسناتك
بخصوص القعود فهو لقي زادعلى الثلاث سنين اربع اوخمس شهور ولا عطيته حبوب الدود وهوسلمك الله ياكل ماجاه وباله زين

الاخ فهد
ماهو الطعام الذي تطعمه
القعود في السن هذا يحتاج الى غذاء ولا يضهر عليه التغذيه الا اذا صار ثني ...
تحياتي

[align=center]أخي فهد بن شديد
مادام القعود يأكل اللي تعطيه فاتبع الوصفة التاليه

أولاً : عطه حبوب الدود


ثانياً: عوده على أكل خبز الصامولي من يدك لمدة يومين ثم خذلك ثوم وفرق فصوص الثوم ثم حط فص الثوم الصغير وسط الصامولي وأعطه القعود لعله يأكله وإذا كلاه فاستمر على ذلك لمدة يومين كذلك وكل يوم زود لك فصل ثوم ولاتكثر الثوم عليه يومياً ثم يعيفه ترى الثوم يقضي على جميع الأمراض بإذن الله وإذا لم يأكل الثوم في خبز الصامولي عطه الثوم في عجينه وهو مدسوس وسطها عساه يأكله.

المدة تقريباً شهر على استعمال الثوم

وإذا فيه أستفسار فارسل رقم جوالك

وتقبل خالص تحياتي،،،[/align]

الاخ فيصل/ بالنسبة لغذاه فهو مكعب الوافي وبرسيم واحيانا رودس..... وترى الضعف اللي فيه مهوب ضعف جوع الله العالم انه ضعف مرض
بيض الله وجهك ورحم الله والديك

الاخ فهد/ بسوي اللي قلته والله يكتب اللي فيه الخير...
بيض الله وجهك ياخوي ورحم الله والديك

الاخ فهد
قلل الوافي وكثر البرسيم
ملاحظه ..احتمال يكون هيام
تحياتي

معليش اخوي فيصل تحملني ونا اخوك كثرت عليك
ان كان اللي به هيام وش الجرعة المقترحة؟

الاخ فهد مثل ماقال القحطاني استعمل الثوم وانا مجربه وان شاءالله انه ينفع.

مشكور اخوي علي...... فعلا بديت بالثوم والله ينفع به