تكفون يابدو جعل شيبانكم الجنه

السلام عليكم مساكم الله بالخير
يالربع شريت هريش فالصفري وهاج واضرب
ولا لقح الا وحده وكسرت بعد شهر من لقاحها
مع العلم ان امهاته اللي مشري منهن متالي وخلفات عليه
تكفون يالربع وش الحل جعل من جابكم الجنه

رد: تكفون يابدو جعل شيبانكم الجنه

وعليكم السلام ورحمة الله وبركاته

مادام إنه عشّر عليه وحده وكسرت فالبعير مافيه إلا العافية يمكن إن الإبل اللي يضربهن تعسر يعني تضرب على غير يسره أو إن فيها صيد

شف لك خبير يقلبهن ويقطع عنها

تقديري

رد: تكفون يابدو جعل شيبانكم الجنه

الله لايهينك جعل والديك الجنه

رد: تكفون يابدو جعل شيبانكم الجنه

وشيبانك ياخالد

يمكن يكون فيه ضعف في الاخصاب بسبب كبر سنه

عطه فيتامين E Selenium وهو عبارة عن بودرة بعمل على تنشيط الجهاز التناسلي

رد: تكفون يابدو جعل شيبانكم الجنه

جوعه من الصباح الى العصر وعطه شعير مع حلبه بمقدار الشعير حط حلبه لمدة 7 ايام ولا تهده فيها بعدها هده وان شالله يلقح ..

رد: تكفون يابدو جعل شيبانكم الجنه

وشيبانك ياخالد

يمكن يكون فيه ضعف في الاخصاب بسبب كبر سنه

عطه فيتامين E Selenium وهو عبارة عن بودرة بعمل على تنشيط الجهاز التناسلي

مثل ما قال الاخ مبارك

عطه بياله فيتامين اي سلينيوم مخلوطة مع شوي نخال لمدة اسبوع

ولا تخليه يضرب خلال هذه الفترة

وكذلك البل عط الضرايب نفس الجرعه



وعسى الله يمنحك منه

رد: تكفون يابدو جعل شيبانكم الجنه

يامرحبا بالجميع
الله لايهينكم ويبيض وجيهكم
وجعل شيبانكم الجنه

رد: تكفون يابدو جعل شيبانكم الجنه

اخ خالد الأفضل انك تروح لدكتور يعرف للبل وتخليه يسوي غسيل لرحم الناقه عن الصديد وتعطيها علاج تنظيف

اضمن لك قبل يروح وقت التضريب وهالشي جربته لنياق لها سنتين ماعشرت والحمد لله هالحين لقحات بفضل الله .

رد: تكفون يابدو جعل شيبانكم الجنه

مرحبا بك ياطلال البل منظفينها واللقاح بيد الله
والله لايهينك على مرورك

رد: تكفون يابدو جعل شيبانكم الجنه

البعير مافيه الا الخير والزين قطع من الناقة