خلوف الابل تنفخت..!

السلام عليكم ورحمة الله وبركاته

صباح الخير للجميع ..

أخواني في منتدى مزاين الابل .. أحببت أن أطرح استفساري هناآآ .. لكي أستفيد ويستفيد غيري من ملاك الابل ..


أخواني الابل في شبك .. و12 خلفه .. وشريت قبل فتره خلفه و ديدها مورم ..

بعد فتره الابل بدت وحده وحده تورم ديودها ..


وهل المشكله في المراح .. أو المشكله في الراعي .. يحلب اللي مورم ديها لين أعدى الابل الباقيه..

أو المشكله في العلف .. أو في كثرة الماء .. مع العلم أن الابل تمشي بس ماهوب لمسافة بعيده تقريبا كيلو وعليها ..


أرجو الأفادهـ ... فالملعومه لي ولغيري ممن لا يعلمون .. وتكون فائده ونصح لكي يمنع من الوقوع في نفس الاخطاء ..

رد: خلوف الابل تنفخت..!

1- إقطع عنها البرسيم وإن كانت الأرض مرعيه عندكم و فيها خضار أحجزها


2- أدهن خلوفها بفازلين عقب كل عطفة و شملها لكن قبل ما تشملها حط لك خرقة بين الشمالة وبين الديد عشان ما يجي الشمالة شي من الدهن وإلى بهلتها إغسل ديدها بما بارد قبل العطيف

** وإنتبه إلى كنت بتبهلها بالليل تأكد من الديد إنه ناشف من الدهن لا يتلوث بالتراب إلى بركت

والوريم ترا يبغاله ممشى مهوب كيلو و بس

أتمنى إني أفدتك والله يبارك فيك وفيها وسلامتها وسلامة عمرك

رد: خلوف الابل تنفخت..!

خلها تمشي وقلل عليها الماء ليما يخف وريمها الحين مابه ضماء

وادهن خلفانها بفازلين ولا دهان من الصيدليه ريحته قريبه الفازلين بس لونه يختلف

رد: خلوف الابل تنفخت..!

خلها تمشي وقلل عليها الماء ليما يخف وريمها الحين مابه ضماء

وادهن خلفانها بفازلين ولا دهان من الصيدليه ريحته قريبه الفازلين بس لونه يختلف

كلاااااااااام سليم

واحب ازيد خله يرش ديس الناقه الصبح بدري وعصير

بمويه بارده

وهذا شئ طبيعي

خبااااااااااااش

رد: خلوف الابل تنفخت..!

بيض الله وجيهكم وجعل ربي ما يهينكم


الحمدلله الابل زانت خلوفها ..


والحمدلله هذا المنتدى أفضل منتجى أجد فيه الحلول بعد الله ..


لا هنتوا جميعا

رد: خلوف الابل تنفخت..!

أقطع البرسيم وعطها الله يعزك تبن ورش خلوفها كل يوم بالماء البارد صباح ومساء
وأذا الورم ثقيل ومحجر خذ عصار من البيطري وحطه داخل خلوفها المتورمه لين يخف الوريم

رد: خلوف الابل تنفخت..!

اذا درت الله يبارك فيها واهلها ومن يقرأ احلبها كلها ولاتخلي شي لو قطرةواحده وخلها تمشي بعيد وكل ماتمشي زيادة احسن وافضل واطعمها اللي تطعمها

رد: خلوف الابل تنفخت..!

بالنسبة للخباش

احلب الابل ثم اغسل ديوسها ثم سقها وحبذا درهمه ثم تشوف الي يسرك باذن الله

وسبب الخباش والله اعلم الشبك والبرسيم اذا اجتمعن

رد: خلوف الابل تنفخت..!

اول شي وانا اخوك المراح لا تطول فية اكثر من شهر
الشي الثاني شيك على البرسيم شف لا يكون فيه تعفن

الشي الثالث خل الراعي كل يومين يحلب ديوس البل علشان تنظف

رد: خلوف الابل تنفخت..!

يالرببع في نظري وانتو اعلم مني الورام اذا كان سببه الممشى ترى رجلين الناقه تورم بعد انكان رجليها مواريم يبلها ممشى وانكانها مغير ديودها عليك بغسلها بالما البارد وان حصل الدهان من الصيدلي ريحته تقارب للفكس وحلب الناقه لين يفضا ديدها لان اللبن اذا رد في ديد الناقه يورم ويصير لبنها مالح

ولا تنسى تخلي الراعي او اللي بيحلب البل يغسل ايده قبل الحلب لو من الحوض وعقب كل ناقه قبل يحلب الثانية

هذا والله اعلم ان اصبت فمن الله وان اخطأت فمني والشيطان
وعسا الله يدلنا وياكم ولا يغوينا

رد: خلوف الابل تنفخت..!

اموكسسلين لمدة 5 ايام حتى وان خف الورم لابد من اكمال الكورس

غسل الضرع بالماء البارد لتخفيف الحتقان

خل الحالوب ,, الشخص الي يحلب يقلم اضافره