افيدونا جزاكم الله خير،،،،،،عاجل،،،،

عندي ناقه ولدت وبعد اربع ايام انقطع حليبها نهائي واصبح ديسها تقل ديس حايل وتغيرت نفس الناقه ولاتروح مع البل ولاتاكل بس شوي .
وش يسمى هالمرض وش علاجه ؟ هل هو هيام؟

رد: افيدونا جزاكم الله خير،،،،،،عاجل،،،،

اقطع الشك باليقين
عطها ابرة الهيام الفرنسيه تفيدها ولا تضرها
بس عندي سوال الناقه اسلت ولا لا

رد: افيدونا جزاكم الله خير،،،،،،عاجل،،،،

اشكرك على مرورك أخ محمد
نعم اسلت وارضعت ولدها اربع ايام تدر ماعندها مشكله بس مدري وش صارلها.
واحد قالي يمكن الناقه طايحه ومتملعه تحتاج كوي . وشرايك

رد: افيدونا جزاكم الله خير،،،،،،عاجل،،،،

ان كان الناقه ما تاكل وعيونها تدمع وتلقا للشمس ومتوهنه ما قليلة المشي ولا تستجر هذي مواري الهيام الا اذا ودك تاخذ عينات دم وتوديها للزراعه يفحصونها وهو الافضل او عطها ابرة السيملرسان الفرنسيه حقة الهيام ولا منها خوف على الناقه مع فاتح للشهيه او غرشة البيسي العايله مع غرشة كافي صغيره تغرها فيها والكوي ما انصحك

رد: افيدونا جزاكم الله خير،،،،،،عاجل،،،،

ياحمد وانا اخوك

الناقه لاتصير مبحر يعني فيها نزيف داخل الرحم تأكد من بولها ان كان فيه دم الحق على ناقتك بأبرة الابحار واغرف عنها وان كان مانفعت الابره اكوها

وعشان تأكد قبل تدك الناقه صبح تعين في مبركها

وان اهقى ان ناقتك مبحر مافيها هيام ... الهيام مايرد الناقه لاتروح مع البل وتجي لكن النزيف هو اللي يتعبها من الدم اللي يروح منها

رد: افيدونا جزاكم الله خير،،،،،،عاجل،،،،

اشكركم على مروركم
الناقه عطيتها ابرة اهيام احتياط وذرقت تكرمون
والناقه بدين تقول بشمانه ولكن اذا لمست بطنها مع الجنب تجزع ومن امس اغلب وقتها ماابركتوخاطرها تعبان مره والله حيرتني

رد: افيدونا جزاكم الله خير،،،،،،عاجل،،،،

الناقه ما لاحظت عليها دم وهي تعبس ولكن لاحظت كان بها حسر وعبسها ماهو واجد وكبر في بطنها وهي قليل اكلها وبالنسبه للنزيف ماصابها هالمرض الا بعد ولادتها بحوالي اربع ايام.

رد: افيدونا جزاكم الله خير،،،،،،عاجل،،،،

عطها vapco digest او bykodigest وان لم تجد غرها نسكافيه