نبي الطب في ذا الجمل يالاخوان

السلام عليكم ورحمه الله وبركاته

مساكم الله بالخير


هذا يالاخوان جمل طيب عند واحد من الاخوه .. الجمل يطرح الناقه ويضربها لكن ما يفسر ذكره .. مع العلم انه ينصبه بوسط الخيف .. ولا يظهر منه إلا مقدار( 5 سم ) ومن اول الموسم إلا يومكم وهذي هي حالته

اللى عنده طب له لا يبخل علينا

نخوه يا الاخوان

[align=center]الاخ/ سليمان

ممكن تفيدنا عن سن البعير ؟ممكن ما بعد جرد

وهل اضرب السنة الماضية والقح ام لا؟

وافدنا كذلك عن اكله وعافيته؟

والله يعافيه ويمنحه منه الانتاج الطيب[/align]

انتظر الاجابه على سوال اخوي مسعود

وهل تسملونه

حي الله الاخوان

الجمل ياربع كبير سن (ناب) وله انتاج سابق

وصحته عال العال

نسمله لكن ما يظهر منه شي غير مقدار 5 سم والغالب ما يطلع

ولاهنتو يالربع

[align=center]الاخ سليمان

احقن في فتحة الخيف زيت زيتون (استخدم ابرة بدون السن الحديدي اي بالبرواز البلاستيكي فقط)

لانه يبدو لي معه ضيق في فتحة مجرى الذكر

وعسى الله يعافيه من عنده[/align]

حياك الله يا مسعود

ما خلا عليه قاصر حقنه بالعصارات من الصيدليات ولا نفع وارسله لكليه القصيم البيطريه ولا نفع فيه شي