ماهو العلاج المناسب (أنتفاخ الديد)...؟

الشباب ماقصروا الله يعطيهم العافيه

لاكن رش ديد الناقه بماء بارد ونقع الشماله فالماء وشمل الناقه بها وهي مبللوله لكي يبق الماء مده اطول على الديد

ومش الناقه على الاقل 3ك يوميا ولو خليتها تمشي بكيفها يكون احسن

نظف الديد من الحليب

والله الموفق

الاخوان
محمد مطير العنزي
طالب راشد المري

الاخ كان يسئل عن الموضوع قبل 9 اشهر تقريبا بتاريخ 18/3/2007
والحوار قد افرد والناقه اللحين يمكنها معشر وانتم للحين تنصحونه !!!
عموما الله يعطيكم العافيه

اخ عبدالرحمن عبدالعزيز اولا كيف حالك
ثانيا قسما بالله ندري ان الموضوع صار لة 9 اشهر لكن الموضوع الحين وقتة بالذات ومهم للجميع لان الوقت هذا وقت ولادتة غالبية الابل ونا شخصيا استفدت من الموضوع وتعمدت اعادة طرح الموضوع لتعم الاستفادة
وثالثا الحوار صار مفرود ونباع بسوق الحسا وامة الحين معشر
وماتشوف شر

بارك الله فيك يا محمد

حياك الله يا عبدالرحمن عبدالعزيز

وثالثا الحوار صار مفرود ونباع بسوق الحسا

مرحبا أخوي محمد

ياليت تذكر المصدر أن الحوار أنباع بسوق الحسا

اخ تركي حياك الله موضوعك اللي انت نزلتة كان مهم وستفدنا منة ولكن الاخ عبدالعزيز عبدالرحمن كان يقول ان الموضوع قديم وهو صادق الموضوع قديم جدا ونا من باب المزح لا اكثر قلت هالكلام وذا فية زعل ترا السالفة كانت مزح ليس الا والله يبارك لك بحلالك ومالك ولا تزعل ونا اخوك لكن من باب المداعبة انا قلت الحوار انباع وامة معشر
وسلامتك

مافي الخواطر شي أبشرك

والحمد الله أن الموضوع أخذ منه الفائده للجميع

لا هنت علي كل حال وبالتوفيق