نبي الفزعة يا المسلمين ....,

السلام عليكم ورحمة الله وبركاته ...

مساكم الله بالخير يا أخواني ..

يوم الغبار الكثيف الله لا يعوده اذهبت مني ناقتين لقاح اباجير وعقلهن الله ورجعتهن يم امهاتهن لحظت منهن وحده مسيرها ما عجبني الناقله قدام لاتذهب نفسها ز ينه ومسيرها زين .

يوم رجعتها لمهاتها الناقه ابركت ولا ثارت حاول ادككها ماعاد تشل نفسها والله ماعلم وش جراء للناقه هي : منبشمه ماكله طعام كثير عندنا مزارع كثيره حولنا او حوراها

ميت بطنها البلاء في بطنها أفيدونا جزاكم الله خير

ودمتم سالمين

رد: نبي الفزعة يا المسلمين ....,

كم لها وهي على هالحاله

وكم لها شهر من عشرت

رد: نبي الفزعة يا المسلمين ....,

ارحب يا عبدالمحسن لا نفداك الناقه لها حوالي اربع ايام وهي باركه وعلي وجه اولاد مطوفه من القيا حوالي ثلاث ايام بس .

بركتها غريبه تجضع ولا قامت مره .

رد: نبي الفزعة يا المسلمين ....,

الله العالم الحولر ميت في بطن امه الحق عليها بالدكتور الفاهم وهو بيعطيك العلم الوكاد

رد: نبي الفزعة يا المسلمين ....,

انا اشور عليك بالدكتور دام الناقه ناقل وبسرررررررررعه ولا دكتور بدو فاهم استفزع بالعربان الي حوللك لا تبطي

رد: نبي الفزعة يا المسلمين ....,

وعليكم السلام ورحمة الله وبركاته

نفس الحاله صارت عندي لقحه ملاقي من بعد العج وهي في مبركها لها خمس ايام ,

تقوم لاكن بالصعوبه .ثم ترجع لـ مبركها

رد: نبي الفزعة يا المسلمين ....,

الله العالم الحولر ميت في بطن امه الحق عليها بالدكتور الفاهم وهو بيعطيك العلم الوكاد

ارحب يا بوسالم كلام صحيح 100 % طلع الحوار ميت ولحقتها امها تفداك ماتت لاهنت الأمير علي المرور ..؟

رد: نبي الفزعة يا المسلمين ....,

ذيب بن علي + خالد الشيباني

لاهنتم علي المرور الناقة ماتت تفداكم وطلع أحوارها ميت في بطنها .؟؟؟

رد: نبي الفزعة يا المسلمين ....,

الله يخلف عليكم.. ويعوضكم باطيب منها.. ويبارك في اماتها

رد: نبي الفزعة يا المسلمين ....,

الله يخلف عليك بالي اطيب منها وفادية راسك وعيالك

رد: نبي الفزعة يا المسلمين ....,

الله يخلف عليكم.. ويعوضكم باطيب منها.. ويبارك في اماتها