فزعنكم وش علاج الجنفة

يالربع افزعولي عندي حقة في جنفة زورها مايل ماهوب مستوي الي عنده علم يرسل العلاج على الجوال يمكن ماكون متواجد

رد: فزعنكم وش علاج الجنفة

مالها علاج طال عمرك هاذي خلقة من الله

رد: فزعنكم وش علاج الجنفة

فكرة جيدة ومومن بقضا الله لاكن العلم تطووووووووووور

رد: فزعنكم وش علاج الجنفة

مساكم الله بالخير جميعا اما علاج الهجفه هو تجوع الناقة وتوقف عنها البرسيم والشعير او المركز ماتعطيها الا تبن اكرمكم الله لين تنهري الناقه ويتعدل سنامها وهذي طريقة مجربه وناجحه بس ملاحظظظظظظظه تتابع علاج الهيام وفيتامين مع الماء السبب ماتققل مناعه الناقة ويدخلها الامراض ودمتم

رد: فزعنكم وش علاج الجنفة

عطها وسم عراقي فوق الجنفه والله يكتب لهى اشفا

رد: فزعنكم وش علاج الجنفة

مالها علاج إلا إذا عدل زورها عادهي حواره والجنفه ماهي مرض ولكن تحصل للحوار إذا ولد وجرمه كبير .

رد: فزعنكم وش علاج الجنفة

يالربع لاهنتو جميع
رقم الجوال ترى ماعاد هو بلي

رد: فزعنكم وش علاج الجنفة

الزورا مالها علاج وهي خلقه. وللمعلوميه وراثه عندي ناقه. زورا كل حيرانها اللي جابتهم. مثلها ازور حوارها