حوار توه مولود

السلام عليكم ورحمه الله وبركاته

اخواني .... عندي ناقه توها والد , وولدها من يوم ولد وهو مريض .
اكرمكم الله ما دمن وعطاني البيطري زيت خروع ولا سوا شي .
وبطنه مره ينتفخ ومره يعود طبيعي , ودايم على جمبه وكل ما وقف طاح على جمبه
كويناه ولا فاد

وش هالمرض يا الربع ووشو علاجه جزاكم الله خير

رد: حوار توه مولود

اذ مايدمن

مر علي صيدله وخذ شرنقة للاستعمال البشري وعطها الحوار في فتحة الشرج

وبالتوفيق

رد: حوار توه مولود

مرحبتين يافهد المرض الي في الحوار مدري ويشهو

بس ان جا لربع حيران عندنا وماتت كلها بعضها تمرض اول ماتولد وبعضها عقب ماتولد بسبوع تمرض وهذا فيروس ماعرف له علاج عطيناها علاجات من البيطري ولا فاد فيها

ملاحظه الحيران عافت الحليب نرضعها غصب وبعدين ماجا الا للحيران الصيفيه الي من شهر ثلاثه مولده



بس جرب علاج الاخ ابراهيم والله يشفي حوارك

رد: حوار توه مولود

انا جاء في حيران عندي واخذت لهم من البيطريه علاجات ولا فاد

ولكن افادوني بعد ذلك بان الصيدلية البشريه يوجد فيها كبسولات نافعه ومجربه على كلامهم

وهذا المرض عباره عن فيروس

الله يشافي حوارك

رد: حوار توه مولود

يالربع والله العلاج بعد الله يدك او يد العامل

شف طال عمرك الحوار مرتفعه حرارته وفي كتمه في بطه .... اذا كان الحوار يتنفسي بشكل غير طبيعي

اول شي تسويه عطه ماء صحه وراح تشوف خلال ثواني يدمن

اذا دمن لا عاد تعطيه حليب اصبر عليه حتى الصباح

الحوار الصيفي يبي ماء ما يبي حليب اكثر ما يموت الحيران الحليب في الصيف

حتى لو انه طراح هذا شي مجرب مني شخصياً ومثل مايقولون اسال مجرب ولا تسال طبيب

بالنسبه للحليب عطه في كل رضعه قدر نص علبة الماء الصحه ابو نص

وحاول انك ما تكثر عليه الرضعات في النهار واذا امه تاكل برسيم اقطعها من البرسيم وحط عندها رودس

والحوار حاول من الساعه 8 الصباح حتى 6 مساء وهو في ظلال لا يطلع للشمس حتى يتم 20 يوم وازود

هذا علمي وسلامتك

رد: حوار توه مولود

علاجه بسيط الخذ حقنه شرجيه للاطفال من الصيدليه البشريه زي مقال اخوي الحربي ولاتعطيه الا نصفها اذا ماذرق زود الجرعه وعطه كذللك ماء واذا ذرق الحوار اعطه ابره اسمها ثرموسين عند الصيدليه الحيوانيه