اهل الخبر ممكن تدخلون؟

السلام عليكم ورحمه الله وبركاته
الموضوع الفحل الجديد ماادري وش فيها عينه تدمع ومسكرها قبل 5ايام جانا عج
وهواء شديد بعدها القعود تدمع عينه وكن فيها بياض بسيط لما اقرب منه يشوفني
غسلتها بماء وملح اصبر واللى وش الحل

رد: اهل الخبر ممكن تدخلون؟

اكسر عنه الضفاره لين تشوف دمه يسيل

رد: اهل الخبر ممكن تدخلون؟

مرحبا أخوي عادل

الاجابة على الرابط التالي ومعها اجابات اهل الخبرة والدكتور محمد نايف

http://www.mzayan.com/vb/showthread.php?t=1490

رد: اهل الخبر ممكن تدخلون؟

اشكرك اخوي عادل على طرح الموضوع والله يشفي قعودك ولا يريك مكروه

انا عندي ناقه نفس حالة قعودك

لكن الناقه الي عندي لها الان اسبوعين وماشفيت وما خف البياض ومعاد تشوف من عينها الايمن ودمع متواصل

ولكن اليوم وانا انظف عينها اشوف نوع من الدم متحجر فوق وتحت البؤبؤ ...

لاهنت يابو محمد وبيض الله وجهك على هالرابط الي وضعته ..

رد: اهل الخبر ممكن تدخلون؟

السلام عليكم ورحمه الله وبركاته
الف شكر لجميع الاخوان والله يبيض اوجيهكم واسعدني مروركم والف مليون مشكوور اخوي ابومحمد على الرابط
وانشاء الله راح اسعى والله يكتب فيه الخير لي ولكم

رد: اهل الخبر ممكن تدخلون؟

مرحبا أخوي عادل :
حط في عينه سكر كل يوم لين يطيب والله يشفي قعودك

رد: اهل الخبر ممكن تدخلون؟

السكر ومايحتاج الامره وحده وبعدها تشوف العافيه في عينه

رد: اهل الخبر ممكن تدخلون؟

السلام عليكم ورحمه الله وبركاته
ابشركم القعود طاب ولله الحمد والمنه واشكر كل من شاركوني في علاج القعود
والله مااخفي عليكم العلاج اللي عطيته القعود هو جبت بنسلين وحطيت 10ملم
ورشيت على عينه والله ماغيره حطيت والقعود رجع طبيعي بس يااخوان يمكن
مرض العين يختلف من ناقه عن ناقه هذي الطريقه جبتها من راسي

رد: اهل الخبر ممكن تدخلون؟

الناقه اللي عينها فيها بياض وتتخبط ما تشوف علاجها

تكسر عنـها ( الضـفاره) هذا اللي نعرفه من قديم

رد: اهل الخبر ممكن تدخلون؟

السلام عليكم ورحمه الله وبركاته
هلا وغلا اخوي سلطان والله انك صادق انا سمعتها من شايب جبناه يدخل على ناقه عندنا وقال فيه ناقه
كانت ماتشوف وتطيح بالرمث وكسرت عنها الظفاره وسلمت وشافت
شكرا على المرور