الفزعة يالربع جزاكم الله خير

السلام عليكم ورحمة الله وبركاته

أخواني عندي ناقة مدري وش علتها شان حالها فجئة ضعفت وضمر بطنها وصارت جلد على عضم وماتاكل ولاتشرب ودايم مبعده عن الأبل وتحب تبرك طول الوقت
عطيتها ابرة الهيام الهندية وابرة الدود سوبر افميك الأمريكية وشراب الدود وبودره فاتح شيه
وش مرضها هذا
ومرض الشوكه وش أعراضه ووش علاجه

رد: الفزعة يالربع جزاكم الله خير

مرحبا اخوي ظافر

الناقة لقحه والا خلفه ؟

وهل في الناقة ورم او طفح جلدي ؟

وهل لاحظت دمن الناقة ؟

ومن متى معها هذه الحالة ؟

في انتظارك

رد: الفزعة يالربع جزاكم الله خير

اتوقع ان الناقه فيها شوكه ياظافر

والناقه حط لها اكل لحالها وش عنها اذا اكلت يمكن الابل تطردها؟!!

رد: الفزعة يالربع جزاكم الله خير

ياهلاومرحبا اخوي مسعود
الناقة خلفة بس الضعف مهوب من الرضاعه عندنا خلفات تضعف بس مهوب مثل ذي هذي واضح انها مريضه
فيها انتفاخات بسيطه خلف نحرها
والدمن ماشفته
لها ثلاث ايام واليوم رابع
والابر معطيها امس

رد: الفزعة يالربع جزاكم الله خير

ياهلا ومرحبا اخوي خلف
الشوكه وش اعراضه ووش علاجه
وان شاءالله بروحلها بكره واشوف دمنها اذا هو صغير ومدبب يمكن شوكه
هل مرض الشوكه هو جرح الكلوه
والناقه اول هي الي تطرد الابل من العلف وصحتها زينه والله يشفيها

رد: الفزعة يالربع جزاكم الله خير

مرحبا بك الشوكه هو نفسه الجرح
اعراضه دمنها طويل وراسه مثل الشوكه
حط لها خبز واعجل عليها بالكوي ودور
رجال جيد في الكوي لان فيه ناس يكوون بس مايصيدون الجرح
والله يشفيها

رد: الفزعة يالربع جزاكم الله خير

ياهلا ومرحبا اخوي خالد
الناقة ماتت اليوم الله يخلف علينا وعليكم
والحمدالله رب العالمين والله يعوضنا خير منها
والله يجعلنا من اهل جنة الفردوس الدنيا فانية والفلوس فانية والسعيد من فاز بالجنة

رد: الفزعة يالربع جزاكم الله خير

الله يخلف عليك ويعوضك بالبركة

ولله ما أعطى ولله ما أخذ

رد: الفزعة يالربع جزاكم الله خير

الله يعوض عليك يا ظافر ويرزقك بابرك منها وجعلها فدا راسك

رد: الفزعة يالربع جزاكم الله خير

الله يعوض عليك يا ظافر ويرزقك بابرك منها وجعلها فدا راسك

رد: الفزعة يالربع جزاكم الله خير

تفدى راسك يا ظافر والله يعوضكم

رد: الفزعة يالربع جزاكم الله خير

الله يعوضك ياظافر خير منها

رد: الفزعة يالربع جزاكم الله خير

ياليت تخبرنا وش صار معها وهل اكتشفتوا المرض
لكي يستفيد الجميع

والله يعوضك بالي اطيب منها