وش علاج النويخس ؟؟

السلام عليكم

عندي ناقه فيها نويخس وناس يسمونه ناسور

وهو عباره عن جرح يطلع فالخويرم ويطلع منه الله يكرمكم صديد ووعي

والجرح فتحته صغيره يعني ماتعمق داخل فاللحم

واللي قد مرت عليه ذا الحاله يفيدنا بعلاجها جزاه الله خير

رد: وش علاج النويخس ؟؟

ابشر بسعدك يا سفر
طلع عندنا في وحده من البل لقحه وشان الخاطر لكن بامر الله طابت واللحين مصغر ولا عندها خلاف بعد ما سويت لها الاتي

1- حلقت عليه بالكي
2- يوميا انظف الجرح بماء الكسجين برواز الى ينظف الجرح من داخل ويطلع الصديد
3- نص برواز ايودين
4- برواز مضاد حيوي العصار الي تحطه في ديد الناقه الناقه اذا خبش الديد يوميا الصباح برواز واحد بعد التنظيف
يبي لك من 10 ايام الى 20 يوم على ذا الموال وان شاء الله تطيب

رد: وش علاج النويخس ؟؟

النويخس ماله طب ولاخليت طب ماسويته له لاشعبي ولابيطري