يالربع فزعتكم في الخلفة

رد: يالربع فزعتكم في الخلفة

يعطيكم العافية

يرجاء تزويدنا عن مرض الجرح واعراضه وعلاجه

مشكورين

http://www.mzayan.com/vb/showthread.php?t=407

رد: يالربع فزعتكم في الخلفة

فيه علاج عن البيطري فعال لنفس الحال اللي عندك وهي الشوكه في مرحلة الاولى

رد: يالربع فزعتكم في الخلفة

السلام عليكم
وصبحكم الله بالخير
مثل ماوعدتكم اني اعطيكم ووافيكم بنتائج العلاج واخبار الناقة
انتهينا يوم الخميس من اخر جرعة من المضاد مريتها امس قبل المغرب ومافيه تحسن مذكور في حالة الناقة (التحسن حول 15%)
اكلها زان شوي
حطينا لها ضلال
لكن الملاحظ ان شعرتها ما حتت ولا حتى بداء فيها الحت مثل باقي البل وهن اكلهن واحد
وفي رجاء الشافي المعافي
وهذي اخبار الناقة
وسلامكتك من كل شر

رد: يالربع فزعتكم في الخلفة

ناقتك بلاشك مجروحه وعلاجها التقليدي الكي لكنه يشوه البل وهناك علاج آخر يقال انه ينفع لهذه الحاله حيث تغر الناقة بما يزن لتر ونصف من زيت السمسم تقسم مابين الفم والمنخرين ثم يلحق عن طريق الفم بخمسة الى ستة جراكل من لبن المراعي وبعد يومين تكرر جرعة اللبن فقط والله يكتب الشفاء من عنده

رد: يالربع فزعتكم في الخلفة

السلام عليكم

مساءكم الله بالخير جميع
الناقة مافيه تحسن واضح مع العلاج لكن شبكناها في الظلال طول النهار ونرشها بالماء أكلها زان حالتها في تحسن, لكن من نظهرها في الشمس تعود على ماهي عليه من الحرارة وفاتحت(ن) خشمها تلقط الهواء
كلمت لي شايب خبير بعلاج البل وعلمته بالي في الناقة وقالي هذي (كلبه)
وانا هالحين شابكها في الظلال ولا عاد اظهرها الا لابرد الوقت هذا الكلام وتو مادخلت مربعانية القيظ
(يقولون تدخل يوم الجمعة القادم)
وش رايكم يالربع
وتحياتي للجميع

رد: يالربع فزعتكم في الخلفة

والله يا سطام مثل ما قالك الشايب

وانشا الله انها بطيب

والله يعطيكم العافية الجميع

رد: يالربع فزعتكم في الخلفة

السلام عليكم
صبحكم الله بالخير
لتعم الفائدة
علوم الناقة كالتالي:
حللنا لها دم وطلعت النتيجة طفيليات في الدم ( انابلازما) في ذمة المختبر!!!
عطيناها علاج الطفيليات (20سم) عل مرتين
انتظرنا اربع ايام ولا به زود من ناحية الحرارة
واكلها زان شوي
عطيتها مضاد وخافض حرارة علبة زرقا طويل الامد مرة وحدة (35سم)
زان حالها وزان اكلها
لكن طلع وريم في ديسها
غسلنه بمرة وماء بارد ونبي نشوف هاليومين الجايات
ورايكم يالربع

رد: يالربع فزعتكم في الخلفة

السلام عليكم

تو كلمت الراعي وقال ورم الديس خف شوي ولاكن اكلها ردي
وش الراي يالربع

رد: يالربع فزعتكم في الخلفة

السلام عليكم ..

والله يا أخوك أنا مرت هالحاله بخلفه طيبه بالحيل عندي ..

اول شيء ورم ديسها .. بعدين خف الديس .. بعدين بدت تحت الوبره .. بعدين قامت تعوف الاكل .. ولا زلنا مستمرين بالعلاج ما خلينا شيء لا طبي ولا شعبي ..

وصارت تدور الظل ولا تبي غيره وقمنا نرشها ماء .. ونعطيها خافض حراره .. ورجعت تأكل وزان أكلها ..

وخذت لها فتره قليله تقريبا اسبوع ولا عاد كلت ابد .. وظمرت حييييييل .. لين ماتت ..


والحمدلله .. الله اللي عطاني اياها والله اللي خذاها ..



قلت هالسالفه فقط لانها قريبه أو مشابهه لحالة خلفتك .. والله يكتب اللي فيه الخير



مع العلم ان كذا واحد حولي صارت له زي السالفه وتموت الناقه .. يقولون تسمم بالدم يقتل الناقه ... والله العالم

رد: يالربع فزعتكم في الخلفة

السلام عليكم

تو كلمت الراعي وقال ورم الديس خف شوي ولاكن اكلها ردي
وش الراي يالربع

غرها بالبسبيسي والكافي طيبه لفتح الشهيه

رد: يالربع فزعتكم في الخلفة

الاخ محمد اليامي

شاكر مرورك

الله لايهينك على المرور

رد: يالربع فزعتكم في الخلفة

سطام الناقة فيها لبن ولا اقطعت من اللبن ؟

رد: يالربع فزعتكم في الخلفة

السلام عليكم
مساء الخير للجيع

لكي تعم الفائدة لان هذا المرض خبيث ولاهو من السهل التخلص منه
صرت امر على البيطرية وانشدهم واستفسر منهم حتى اني اخذت رقم دكتور بيطري تابع للزراعة وشكلة رجال فاهم
ونصحني بالدواء المسمى ترايموسين الذي ذكره الاخ مسعود العماري وكذلك نصحني اكثر بهذا الدواء لان مفعولة طويل وفيه خافض للحرارة
عطيناها هالدواء
Hexasol LA
40 سم وعطيناها فص ثوم مرتين في اليوم
وتعافة وكررنا لها الجرعة وحالها للاربع الايام الي راحت في تحسن واليوم احسن واكلها زان
وجعل الله يتم عليها
وحسب كلام البيطري كل ماستعجلت في العلاج كان احسن
واسمحولي على الاطالة لكن على شان تعم الفائدة
الاخ/ جابر
شاكر مرورك ومرور كل الاخوه
وجعلكم ماتشوفون شر لا في حالكم ولا فيمن تحبون ولا في حلالكم ومالكم

رد: يالربع فزعتكم في الخلفة

مرحبا اخوي سطام

على حد علمي أن علاج طفيليات الدم يعالج

با البيوتالكس او الامازول

ويا ليت تتأكد من أحد الاطباء الخبرة

رد: يالربع فزعتكم في الخلفة

السلام عليكم
الاخ/ مسعود
صبحك الله بالخير
كلامك صحيح 100% وانا استعملت ابرة الهيام وبعد 3-4 ايام اعطيتها الامزول لكن ماجاب نتيجة
لكن حسب ماذكرت اني اعطيت الناقة الدواء المسمى بــــــ Hexasol LA حسب استشارة من بيطري يعمل في الزراعة
على مرتين كل اربع ايام (40سم)
والحمد لله ان الناقة من احسن إلى احسن
وهذي من التجارب الي نستفيد منها
يمكن نتيجة التحليل خطاء أو مفبركة هالايام كل شي يغش حسبي الله عليهم
وسلامتك
وشاكر مرورك