ياهالربع ليونة إيدين الحشوان لها علاج ,؟؟

الآخوه الكرام رواد وأعضاء منتدى مزاين أسعد الله جميع أوقاتكم بكل خير..
حبيت أستفسر من من لديه الخبره بليونة إيدين القعدان التي يصير فيها ليونه واضحه للعيان بحيث أنها لاتؤثر على ممشى القعود ولكن منظرها غريب !!
سؤالي هل هناك علاج مجرب ومفيد لهذه الليونه,وهل لو ترك القعود على ماهو عليه ستؤثر في يديه هذه الليونه مستقبلاً أم ستتعدل إيديه مع الاشهر القادمه,وتحيتي وتقديري للجميع..

بإنتظار مساعدة النشاما من أهل الخبره..

رد: ياهالربع ليونة إيدين الحشوان لها علاج ,؟؟

وعليكم السلام ورحمة الله وبركاته

اخوي راشد وش سن القعود وبعدين

عليك بحبوب النحاس اذا كان في بدايته واذا لاينه ايديه مره جبله الابره وعدها عليه سوا كانت حبوب او ابره بعد اسبوع

واذا تبي نصيحتي قيده قيد قصير وحطه في ارض حدب ( صلبه ) وخله لايسرح ولا شي في شبكه

وله كي ولكن هذا اخر العلاج بس بيسلم إن شاء الله

رد: ياهالربع ليونة إيدين الحشوان لها علاج ,؟؟

عطها حبوب نحاس وانشاالله انها تفيد هذي مجربه عندي ونفعبها الله

رد: ياهالربع ليونة إيدين الحشوان لها علاج ,؟؟

وعليكم السلام ورحمة الله وبركاته

اخوي راشد وش سن القعود وبعدين

عليك بحبوب النحاس اذا كان في بدايته واذا لاينه ايديه مره جبله الابره وعدها عليه سوا كانت حبوب او ابره بعد اسبوع

واذا تبي نصيحتي قيده قيد قصير وحطه في ارض حدب ( صلبه ) وخله لايسرح ولا شي في شبكه

وله كي ولكن هذا اخر العلاج بس بيسلم إن شاء الله

يامرحبا والله ومسهلا ياعبدالمحسن المقاطي,وعسى لايهينك يالقرم على الإفاده,والقعود يالغالي سنه الحين سنه وشهر والليونه ماهي ليونة في الرسق الليونه طال عمرك في نصف اليد تشوف كن اليد بها عطفه,وأنا كنت مقيده له مده ولكن هاليومين فكيت القياد عنه وأشوف كن الليونه لاتزال !!
وهذا وشورك وشورك شرواك مانستغني عنه,وعساك تبطي حي على طاعة الله..

رد: ياهالربع ليونة إيدين الحشوان لها علاج ,؟؟

عطها حبوب نحاس وانشاالله انها تفيد هذي مجربه عندي ونفعبها الله

بيض الله وجهك يابوعايض ولاهنت على مرورك وإفادتك اللي إستفدت منها وجعلك سالم وغانم يالسنافي..

رد: ياهالربع ليونة إيدين الحشوان لها علاج ,؟؟

يامرحبا ومسهلا ياراشد

جرب بودرة الخيل وتعينها عند اي بيطري

وانا بنفسي جربتها في حيران ومفاريد عندي وفادت مع الله

رد: ياهالربع ليونة إيدين الحشوان لها علاج ,؟؟

يامرحبا ومسهلا ياراشد

جرب بودرة الخيل وتعينها عند اي بيطري

وانا بنفسي جربتها في حيران ومفاريد عندي وفادت مع الله

والبقا بك ياجاسم الجربوعي وياهلا وغلا..وياليت لو تفيدني أكثر عن هذه البودره وشهي تؤخذ له ووش فائدها اللي لاحظتها لما إستعملتها وأكون شاكر وممنون لك..
لك التقدير والتحيه على مرورك وإفادتك المميزه..

رد: ياهالربع ليونة إيدين الحشوان لها علاج ,؟؟

مرحبا ياراشد

على وصفك هذا تطراق

تحياتي

رد: ياهالربع ليونة إيدين الحشوان لها علاج ,؟؟

مرحبا ياراشد

على وصفك هذا تطراق

تحياتي

هلابك ياصويان ونعم تقدر تقول إنه طرق وإذا عندك علاج فإزع لي به لاهنت..

رد: ياهالربع ليونة إيدين الحشوان لها علاج ,؟؟

مرحبا أبو ناصر

نفس المشكلة عندك تطرق لها أحد الاخوان على الرابط التالي :

http://www.mzayan.com/vb/showthread.php?t=36310

http://www.mzayan.com/vb/showthread.php?t=1968

رد: ياهالربع ليونة إيدين الحشوان لها علاج ,؟؟

مرحبا أبو ناصر

نفس المشكلة عندك تطرق لها أحد الاخوان على الرابط التالي :

http://www.mzayan.com/vb/showthread.php?t=36310

http://www.mzayan.com/vb/showthread.php?t=1968

يامرحبا ومسهلا بك يابو محمد وعزالله إنك وفيت وكفيت ويالله عساك والجميع ماترون مكروه إن شاء الله..

لاهنت نفداك..